U cykle videahutarak, jakija robić viadučaja «Humar-FM» Nastaśsia Barancava, vyjšła intervju z ułaśnikam partała tut.by Juryjem Zisieram.
Viadučaja spytała, ci praŭda, što viadomy biznesmien Viktar Prakapienia chacieŭ nabyć resurs. «Tak, było takoje, u 2013 hodzie». — «A čamu prodaž nie adbyŭsia?» — «Nie syšlisia ŭ canie», — adkazaŭ Zisier.
Zisier: Jon prapanoŭvaŭ dastatkova nizkuju canu.
Viadučaja: Jakuju?
Zisier: Ja nie pomniu, ale heta było nižej za našy čakańni, tamu my admovilisia.
Viadučaja: To bok tolki praz canu?
Zisier: Na toj momant tak.
Viadučaja: A vy nie pamiatajecie, kolki chacieli na toj momant?
Zisier: Nie pomniu, heta było piać hadoŭ tamu.
Viadučaja: Kali b vy zaraz pradavali tut.by, to za jakuju canu?
Zisier: Ni za kolki nie pradam, nikomu. Navat za miljard. Chiba što ja moh by havaryć ź niejkim miedyjachołdynham, bo heta mahčymaść rostu dla tut.by. Stać častkaj, naprykład, New York Times. Kab možna było karystacca ich instrumientami, jeździć na stažyroŭki, vučycca. Tady b heta mieła sens. A sens pradavacca biełarusam? Takich niama biełarusaŭ, ad jakich my mahli b atrymać niešta, bolšaje za hrošy.
Viadučaja: A čamu tady chacieli pradacca?
Zisier: Dy nie chacieli my pradavacca. Prosta Prakapienia prapanavaŭ.
Viktar Prakapienia — bujny biełaruski IT-biznesoviec.
