Čytačy «Našaj Nivy» stali vidavočcami pahoni ekipažaŭ DAI za mikraaŭtobusam (mahčyma, «Miersiedes Spryntar»), jakaja prachodziła pamiž 15:00 i 16:00 spačatku pa trasie M6 (Hrodna— Minsk), a paśla i pa vulicach stalicy.
«Mima mianie pranieślisia čatyry ekipažy DAI z čyrvonymi majačkami, jakija hnali pa hrodzienskaj trasie (u bok Minska) niejki padbity bus. Jechaŭ za imi pa trasie, paśla jany paviarnuli na ŭnutranaje koła MKAD», — paviedamiŭ adzin z kamientataraŭ.
«20 chvilin tamu na vulicy Radaškoŭskaj u Minsku adbyłosia DTZ.
Pjany kiroŭca na busie ŭlacieŭ u słup, ledź nie začapiŭšy aŭto na parkoŭcy. Bujny. Raźbiŭ hałavu ab łabavoje pry ŭdary, zabrała chutkaja.
Jechała niekalki ekipažaŭ. Viali jaho z-za horada. Jak dapuścili, što jon trapiŭ u horad, pytańnie, jak zvyčajna, rytaryčnaje», — praciahnuŭ jaho historyju inšy čytač, jaki staŭ vidavočcam avaryi.
U DAI Minskaj vobłaści karespandentu «Našaj Nivy» paviedamili, što nie mieli dačynieńnia da pahoni. Atrymać kamientar ad staličnaha DAI pakul nie atrymałasia.
Ciapier čytajuć
U minskim mietro prachodziać vyprabavańni novyja ciahniki FOTY1
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary