Učorašni śnieh źmianiŭsia daždžom, źlohku padmaroziła. Ranicaj było da minus 1 hradusu. Tamu ŭ stalicy i pa krainie na darohach i chodnikach ślizka.
Budźcie aściarožnyja!
Siońnia ŭ Minsku +1—3°S, doždž.
MNS raniej apublikavaŭ rekamiendacyi, jak vieści siabie ŭ hałalodzicu, kali pavialičvajecca kolkaść vuličnych traŭmaŭ: udary, vyvichi i pierałomy.
Źviarnicie ŭvahu na svoj abutak: padbiarycie abutak, jaki b nie ślizhaŭ, a z padešvaj na mikraporystaj asnovie. Ad vysokich abcasaŭ lepš admovicca. Pažyłym ludziam rekamiendujecca vykarystoŭvać pałku z humovym nakaniečnikam ci admysłovuju pałku z zavostranymi šypami.
Hladzicie sabie pad nohi, starajciesia abychodzić niebiaśpiečnyja miescy. Kali ledzianuju «łužynu» abyjści niemahčyma, to pierasoŭvajciesia pa joj, jak łyžnik, nievialikimi ślizhajučymi krokami.
Starajciesia abychodzić usie miescy z nachilenaj pavierchniaj.
Nastupać varta na ŭsiu padešvu, nohi źlohku pasłabić u kaleniach.
Ruki pa mahčymaści pavinny być volnyja, starajciesia nie nasić ciažkija sumki, nie trymajcie ruki ŭ kišeniach — heta pavialičvaje imaviernaść padzieńnia.
Kali vy paśliznulisia, prysiadźcie, kab źnizić vyšyniu padzieńnia.
U momant padzieńnia pasprabujcie zhrupavacca i, pierakaciŭšysia, źmiakčyć udar ab ziamlu.
Nie sprabujcie vyratavać rečy, jakija niesiacie ŭ rukach.
Nie śpiašajciesia padniacca, ahledzicie siabie, ci niama traŭmaŭ, paprasicie prachožych ludziej dapamahčy.
Pamiatajecie: asabliva niebiaśpiečnyja padzieńni na śpinu, uvierch tvaram, bo možna atrymać strasieńnie mazhoŭ. Pry atrymańni traŭmy abaviazkova źviarniciesia da doktara pa miedycynskuju dapamohu.
Kamientary