«Chaj padumaje i acenić svaje pavodziny». U MUS prakamientavali departacyju pres-sakratara AHP
U MUS miarkujuć, što pres-sakratar AHP Hanna Krasulina «pavinna padumać i sama acanić svaje pavodziny». Pra heta žurnalistam zajaviŭ Alaksiej Biahun, načalnik departamienta pa hramadzianstvie i mihracyi MUS, piša Tut.by.
13 listapada Hannu Krasulinu vyklikali ŭ RUUS Maskoŭskaha rajona Minska, dzie ŭručyli apaviaščeńnie ab vysyłcy ź Biełarusi terminam na adzin hod. Pakinuć krainu jana pavinna była da 30 listapada 2018 hoda. Pryčyna ŭ tym, što Krasulina nieadnarazova — trojčy — pryciahvałasia da administracyjnaj adkaznaści, ź ich dvojčy — za ŭdzieł u niesankcyjanavanych masavych mierapryjemstvach, adzin raz — za nieapłačany ŭ aŭtobusie prajezd. Usie štrafy aktyvistka pahasiła, ale ŭ paviedamleńni było skazana: «Vysłać u intaresach hramadskaj biaśpieki». Krasulina — hramadzianka Rasii, ale jaje siamja, dzieci i baćki žyvuć u Biełarusi.
Zaraz departacyja prypynienaja, bo pres-sakratar AHP padała skarhu ŭ sud.
— Ja nie mahu kamientavać, ale chaj jana padumaje sama i acenić svaje pavodziny, — adznačyŭ načalnik departamienta pa hramadzianstvie i mihracyi MUS Alaksiej Biahun. — Kali čałavieku adzin, druhi raz «stukajuć pa nosie» za ŭdzieł u niesankcyjanavanych mierapryjemstvach, to čałaviek, kali jon nie hramadzianin krainy, ale choča być hramadzianinam, pavinien naturalizavacca. Kali jon nie naturalizavaŭsia i źjaŭlajecca zamiežnym hramadzianinam, to pavinien razumieć, na što jon maje prava, a na što nie.
Pa słovach surazmoŭcy, sioleta ź Biełarusi vysłali kala 2500 inšaziemcaŭ. Pryčyny dla hetaha roznyja. U asnoŭnym — nielehalnaje znachodžańnie, kryminalnyja złačynstvy, kiravańnie ŭ niećviarozym stanie.
Kamientary