Miadźviedź u minskim zaaparku zasnuŭ, nie dačakaŭšysia niaviesty ź Pienzy
Miadźviedź Trystan u minskim zaaparku z nadychodam marazoŭ zasnuŭ, nie dačakaŭšysia pryjezdu niaviesty — miadźviedzicy Niury — i novaha žylla, raskazała karespandentu ahienctva «Minsk-Naviny» viadučy zaatechnik zaaparka Alaŭcina Cimaškova-Krasoŭskaja.
Miadźviedzica Niura rychtujecca da pierajezdu ŭ minski zaapark ź Pienzy. Pierš, čym Niura i Trystan paznajomiacca, miadźviedzica projdzie karancin, jaki doŭžycca nie mienš za 21 dzień. Ciapier afarmlajucca dakumienty dla pieravozki žyvioły na novaje miesca žycharstva.
Budaŭnictva novaha žylla dla pary miadźviedziaŭ skončyli litaralna tydzień tamu i ciapier jaho ŭładkoŭvajuć. Novy valjer zajmaje šyrokuju terytoryju, tut jość usio dla kamfortnaha raźmiaščeńnia pary — dva bierłahi, piasočnica, vadajom, karmuški. Kali miadźviedziaŭ pasielać u novaje žytło, pakul niezrazumieła, pakolki terminy dastaŭki Niury ŭ minski zaapark jašče nie vyznačany. Trystan pakul śpić u starym valjery.
Darečy, pierad śpiačkaj miadźviedziam pavialičvajuć racyjon charčavańnia na 30—50%. Kormiać chlebam, sałodkimi kašami, harodninaj, varanaj rybaj. Lubimaja ježa Trystana — zhuščonka, kavun i maroziva.
-
U siecivie źjaviłasia videa z aŭtobusam MAZ, padłoha ŭ jakim varušycca, niby dyvan-samalot
-
«Abo toŭstyja pisali, abo ź dziećmi». Fanat Łukašenki Žan Sodziel nie zmoh znajści žonku i aburajecca, što «dziaŭčaty pajšli nie tyja»
-
Kryścinie Arbakajcie zabaranili ŭjezd u Łatviju praz pahrozu nacyjanalnaj biaśpiecy
Kamientary