Demahrafičnaja situacyja ŭ Biełarusi takaja, što da 2050 hoda kolkaść žycharoŭ krainy skarocicca prykładna na 1 miljon čałaviek, a ŭ Minsku — na 300 tysiač žycharoŭ. Pra heta było zajaŭlena na I Biełaruskim forumie deviełapieraŭ, paviedamlaje Realt.by.
«Stratehija Minska da 2050 hoda źviazana sa strymlivańniem jaho raźvićcia, tamu što na praciahu 1960-1980-ch hadoŭ jon byŭ samym chutkarosłym horadam u Jeŭropie», — patłumačyŭ hałoŭny architektar «Minskhorada» Alaksandr Akienćjeŭ.
Miarkujecca, što žyćcio sa stalicy budzie pastupova pieraciakać u harady-spadarožniki. Pavodle papiarednich raźlikaŭ, u miežach druhoj kalcavoj aŭtadarohi kolkaść nasielnictva vyraście na 110 tysiač, a za košt budaŭnictva kitajskaha industryjalnaha parka «Vialiki kamień» — na 150 tysiač.
Kamientary