Raźvićcio IT-technałohij, a taksama madernizacyja bujnych pradpryjemstvaŭ źjaŭlajucca drajvierami biełaruskaj ekanomiki. Pra heta Alaksandr Łukašenka zajaviŭ u intervju telekanału «Rasija 24», paviedamlaje BiełTA.
«Kali ŭžo ščyra kazać, to heta (IT-siektar) adzin z takich modulaŭ, jaki sioleta pryniasie nam tolki pa eksparcie kala paŭtara miljardaŭ dalaraŭ. Heta prystojnaja suma dla nas, — raspavioŭ Alaksandr Łukašenka. — Ale drajvier hety adkryŭsia nie ŭčora, kali modna stała kazać pra ličbavizacyju».
Jon rastłumačyŭ, što hetaja śfiera ŭ Biełarusi raźvivałasia pastupova. U joj ŭbačyli vialikija pierśpiektyvy jašče bolš za dziesiać hadoŭ tamu, tamu i byŭ stvorany Park vysokich technałohij. «U asnovie lažaŭ čałaviečy kapitał, jaki sychodzić karaniami ŭ našy ahulnyja časy. U nas i adukacyja była salidnaja: radyjotechniki, matematyki, — zaŭvažyŭ kiraŭnik dziaržavy. — My heta zachavali, i adtul my vyrastajem».
Alaksandr Łukašenka ličyć, što cyfravizacyja pavinna pranikać nie tolki ŭ realny siektar ekanomiki, ale i ŭ adukacyju, achovu zdaroŭja, inšyja śfiery. Pavodle jaho słoŭ, Biełaruś nie tolki sama zasiarodziłasia na hetym kirunku, ale i dapamahaje raźvivać jaho inšym krainam, naprykład Kazachstanu i Uźbiekistanu, inšym centralnaazijackim respublikam. «Ale treba razumieć, što asabliva nie rvanieš, kali niama bazy, asabliva adukacyi», — padkreśliŭ jon.
Jašče adnym z najvažniejšych napramkaŭ dla raźvićcia ekanomiki kiraŭnik dziaržavy nazvaŭ madernizacyju pradpryjemstvaŭ staroj škoły, u tym liku takich, jak MAZ, BiełAZ, MTZ.
«Dla nas drajvier — heta nie ŭziać i złamać nibyta nieefiektyŭnaje i niešta stvarać z nula, choć i z nula niešta treba było stvarać, — kanstatavaŭ jon. - Na novaje šmat hrošaj treba, śpiecyjalisty patrebnyja. A my heta, zachavaŭšy, reanimavali i ŭkładvali srodki ŭ hetyja škoły. i atrymali kałasalny efiekt
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary