Staršynia Respublikanskaj kalehii advakataŭ: Narkadyleraŭ možna karać jašče bolš stroha
Staršynia Biełaruskaj respublikanskaj kalehii advakataŭ Viktar Čajčyc padčas kruhłaha stała ŭ «SB. Biełaruś siońnia» zrabiŭ šerah admietnych zajavaŭ.
Adna ź ich datyčyłasia adnolkavaj pazicyi, jakuju čaściakom zajmajuć prakuratura i sud.
«Siońnia abstaviny składvajucca tak, što sapraŭdy časam sud nie pahadžajecca z tym, što zaprasiŭ prakuror. Ale ŭ bolšaści vypadkaŭ adbyvajecca naadvarot.
A ŭ ludziej nie zaŭsiody jość razumieńnie taho, što prakuror prapanavaŭ uzvažanaje pakarańnie, sud acaniŭ hetuju prapanovu i pahadziŭsia ź joj», — zajaviŭ Čajčyc.
Aproč taho, advakat vykazaŭsia pra pakarańnie dla narkadyleraŭ. Pakul maksimalnaje pakarańnie składaje 25 hadoŭ.
«Na moj pohlad, vierchnija sankcyi dla realnych narkadyleraŭ mohuć być jašče vyšejšyja.
… A nižnija možna naohuł prybrać. Kab sud mieŭ mahčymaść u zaležnaści ad abstavin spravy i asoby vinavataha ŭ ramkach sankcyj vykarystoŭvać u jakaści pakarańnia ŭ tym liku i minimalny termin pazbaŭleńnia voli. Kab čałaviek, znachodziačysia ŭ miescach pazbaŭleńnia voli, za paŭhoda ci hod zrazumieŭ, što ździejśniŭ, i viarnuŭsia ŭ hramadstva paŭnapraŭnym hramadzianinam. Tamu što navat kali daduć 5 hadoŭ, heta vielmi niebiaśpiečna dla maładoha čałavieka».
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta4
Kamientary