Šunievič: Uźnikła nieabchodnaść abaranić maralnyja kaštoŭnaści biełaruskaha hramadstva

Deputaty ŭ pieršym čytańni pryniali zakonaprajekt «Ab źmianieńni zakonaŭ Respubliki Biełaruś pa pytańni ŭzmacnieńnia baraćby z prapahandaj nacyzmu i ekstremizmu», jaki ŭvodzić kryminalnuju adkaznaść za reabilitacyju nacyzmu. Pradstaŭlaŭ dakumient u parłamiencie ministr unutranych spraŭ Ihar Šunievič, piša Tut.by.

— Pačatak zakonaprajektu byŭ pakładzieny tady, kali my stali śviedkami abhruntavanaha abureńnia hramadzian, jakija ŭletku 2016 hoda jechali ŭ elektraciahniku Minsk — Maładziečna, i pierad imi krasavałasia svaimi fašysckimi tatuiroŭkami adna naša asoba, — raspavioŭ Ihar Šunievič.

Pa słovach ministra, što «ŭ svaich pačućciach byli aburanyja pasažyry, jakija pamiatajuć pra hierojaŭ, našych vieteranaŭ Vialikaj Ajčynnaj vajny, spalenyja karnikami vioski».

— Heta zdareńnie stała zdabytkam šyrokaj hramadskaści. My hetaha hramadzianina chutka vyjavili i pryciahnuli jaho za publičnuju demanstracyju nacysckaj simvoliki.

Adnak, skazaŭ ministr, hety vypadak adlustravaŭ u cełym «tendencyju, jakaja źviazana sa značnym rostam nacysckich abo nieanacysckich ekstremisckich prajaŭ»

Šunievič raskazaŭ, što apošnija try hady kolkaść zarehistravanych faktaŭ publičnaj demanstracyi nacysckaj simvoliki ŭ krainie vyrasła ŭ 15 razoŭ, pry hetym prychilniki nacysckaj ideałohii ŭ nastupnym časta ździajśniajuć złačynstvy.

— U 2016 hodzie za ździajśnieńnie chulihanstva, kradziažoŭ, vymahalnictvaŭ, rabavańniaŭ, zhvałtavańniaŭ, vykradańni ludziej, supraciŭ supracoŭnikam orhanaŭ unutranych spraŭ i inšych złačynstvaŭ pryciahnuty da adkaznaści 181 udzielnik nieanacysckich abjadnańniaŭ. U 2017 hodzie da kryminalnaj adkaznaści pryciahvaŭsia 121 kiraŭnik i aktyŭny ŭdzielnik takich abjadnańniaŭ.

Ministr śćviardžaje, što raście i ekstremisckaja aktyŭnaść. Za apošnija try hady kolkaść zarehistravanych u krainie faktaŭ raspaŭsiudžvańnia ekstremisckaj pradukcyi vyrasła ŭ 31 raz, u 28 razoŭ vyrasła kolkaść zarehistravanych złačynstvaŭ, źviazanych z raspalvańniem rasavaj, nacyjanalnaj i relihijnaj varožaści.

— Liču važnym adznačyć, heta hetaja źjava i prablemy paŭstali nie ŭ našaj krainie, heta abumoŭlena niadaŭnimi padziejami ŭ jeŭrapiejskich dziaržavach, jakija ŭziali kurs na padtrymku nieanacysckich nastrojaŭ, i padahravajuć adtul sprobami skazić histaryčnuju pamiać našaha naroda, jaki pieramoh niemcaŭ. U internecie raspaŭsiudžvajucca psieŭdahistaryčnyja publikacyi, jakija skažajuć padziei minułaha, jakija apraŭdvajuć nacysckich złačyncaŭ i ich pamahatych.

Ihar Šunievič ličyć, što ŭźnikła nieabchodnaść u pryniaćci mier, jakija dazvolać «abaranić maralnyja kaštoŭnaści biełaruskaha hramadstva i asabliva śviadomaść moładzi ad pranikajučaj u respubliku nacysckaj, ekstremisckaj ideałohii».

Zakonaprajekt praduhledžvaje kryminalnuju adkaznaść za reabilitacyju nacyzmu i administracyjnuju — za zachoŭvańnie abo nabyćcio ŭ metach raspaŭsiudžvańnia nacysckaj, ekstremisckaj i terarystyčnaj simvoliki i atrybutyki.

• 0
• 0
• 0
• 0
• 0
• 0
• 0
• 0