5 śniežnia milicyja zatrymała aktyvista Jaŭhiena Afnahiela. Jaho pratrymali niekalki hadzin u milicyi, a paśla adpuścili. Na nastupny dzień heta zatrymańnie prakamientavaŭ kiraŭnik MUS Ihar Šunievič.
Viersija Afnahiela nastupnaja: jon pajechaŭ na bazu ŭ Kałodziščach, dzie znachodziacca składy i kramy pa prodažy budmateryjałaŭ. Nabyŭ tam 6 mietaličnych listoŭ. Pa darozie dadomu jaho spynili daišniki razam z supracoŭnikami kryminalnaha vyšuku i advieźli ŭ adździaleńnie milicyi. Spačatku jaho abvinavačvali ŭ kradziažy tych listoŭ, paśla ŭsio ž vyśvietliłasia, što Afnahiel prachodzić pa spravie jak śviedka.
6 śniežnia ŭ Pałacie pradstaŭnikoŭ žurnalisty pacikavilisia hetaj spravaj u Ihara Šunieviča. Toj adkazaŭ, što listy skraŭ pradaviec, a Afnahiel nibyta zajmaŭsia skuplaj skradzienaha.
Sam aktyvist nie razumieje, pra što idzie havorka.
«Pra kamientar Šunieviča ja ŭpieršyniu čuju. Tłumaču: ja pryjechaŭ na miesca, jakoje zajmajecca prodažam budmateryjałaŭ. Ja addaŭ svaje hrošy. Tak, ja nie paprasiŭ ček, ale heta ž nie złačynstva. Adkul mnie było viedać, skraŭ ci nie skraŭ hety tavar pradaviec?
Ja liču, što majo zatrymańnie nabyło rozhałas, tamu milicyja ciapier šukaje jak vykrucicca», — zajaviŭ Jaŭhien Afnahiel.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta4
Kamientary