Niezvyčajny nadpis, jaki asabliva vyrazna bačny ŭ śviatle far, źjaviŭsia ŭ vioscy Lisna Vierchniadźvinskaha rajona.
Jak raspaviali miascovyja žychary «Viciebskamu kurjeru», hety dom znachodzicca na skryžavańni. Davoli časta kiroŭcy, razahnaŭšysia, nie ŭpisvalisia ŭ pavarot i łamali płot.
Stamiŭšysia ad biaskoncaha ramontu svajoj majomaści, uładalnik doma pakłaŭ pierad svaim učastkam žalezabietonnuju belku, z advarotnaha boku — kamiani, a na samim płocie zrabiŭ vializnymi litarami nadpis:
«Aleń, dobra celsia!»
U DAI Vierchniadźvinskaha rajona raskazali, što na svaje vočy bačyli i toj płot, i toj nadpis:
«Abraźlivych słovaŭ u nadpisie niama, tamu reahavać na heta milicyja nie moža. Da taho ž, heta pryvatnaja ŭłasnaść. Ale toje, što haspadar nakidaŭ tam kamianioŭ, nie vielmi dobra. Nastupstvy avaryi mohuć być jašče bolš surjoznymi. Ale i płot, i kamiani znachodziacca nie la samaj darohi, i, kali kiroŭcy buduć jechać pa praviłach, heta nijak na ich nie adabjecca. Avaryi na hetym skryžavańni ŭ vioscy Lisna zdarajucca nie časta, ale haspadar doma zaŭsiody vielmi svarycca, kali čarhovy «lichač» znosić jaho aharodžu. Što my možam paraić? Prytrymlivajciesia dapuščalnaj chutkaści i budźcie ŭvažlivymi za styrnom».
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta4
Kamientary