Listapad 2018. Rejtynh naviedvalnaści biełaruskich infarmacyjnych sajtaŭ LIČBY
«Naša Niva» publikuje rejtynh papularnaści biełaruskich infarmacyjnych internet-resursaŭ za listapad 2018 hoda.
Hety śpis bazujecca na adkrytych źviestkach partała Similarweb.com. Jon dazvalaje lubomu achvotnamu daviedacca pra papularnaść sajta i ŭbačyć, kolki karystalnikaŭ jaho adkryvali za minuły miesiac i kolki staronak u siarednim jany čytali. Kali pieramnožyć hetyja ličby, atrymajecca kolkaść prahledžanych staronak. Naprykład, pavodle Similarweb, za listapad «Naša Niva» mieła 5, 5 miljona prahladaŭ.
Dadzienyja inšych ličylnikaŭ mohuć adroźnivacca, naprykład, Google Analytics naličyŭ «NN» 7,1 miljona prahladaŭ.
Dadzienyja ad Similarweb.com bolš dakładnyja dla bujnych partałaŭ, ź mienšymi sajtami imaviernaść statystyčnaj pamyłki pavialičvajecca. Taksama sistema nie ŭličvaje prahlady tak zvanych AMP-staronak.
Ułaśniki niekatorych sajtaŭ dałučajuć da svajho profila ŭ Similarweb akaŭnt Google Analytics. U takim razie možna pahladzieć dadzienyja ab prahladach ad abiedźviuch sistem. Adnak rejtynh my farmirujem tolki pa ličbach ad Similarweb.
Papiarednija miesiacy my nie składali padobnyja śpisy, bo situacyja na internet-rynku Biełarusi istotna źmianiłasia praz upłyŭ servisu Jandeks.Dzen. Rasijskaja karparacyja pryvodziła na biełaruskija sajty hihanckuju kolkaść karystalnikaŭ, časam «papularnaść» resursa za miesiac vyrastała ŭ 3-4 razy biez pryncypovych źmienaŭ u režymie pracy redakcyi.
Ale hałoŭnaje, što Jandeks pieradusim pryvodziŭ rasijskich čytačoŭ — z Maskvy, Kazani ci ŭmoŭnaha Omska.
Anamalnyja ličby naviedvalnaści pieravaročvali rejtynh dahary nahami, ale nie źmianiali ŭpłyŭ ŚMI na biełaruski infarmacyjny paradak dnia.
Ciapier dola trafiku ź Jandeks.Dzena dla bolšaści sajtaŭ istotna skaraciłasia, i situacyja narmalizavałasia.
Ciapier my raznosim dadzienyja z Similarweb u piać słupkoŭ. Što jany aznačajuć?
Vizity (sieansy) uličvajuć kožny ŭvachod na sajt kožnaha karystalnika. Kali ŭ listapadzie vy zachodzili na «NN» kožny dzień, sistema musić padličyć 30 vizitaŭ.
Nastupny słupok — prahlady staronak za vizit. Jon pakazvaje, kolki navinaŭ vy adkryvajecie adna za adnoj. U «NN» hety pakazčyk samy vysoki z usich miedyja, jakija trapili ŭ rejtynh.
Prahlady staronak — heta pieramnožany vynik vizitaŭ i prahledžanych staronak za vizit. Pa hetym pakazčyku my i ranžyrujem sajty.
Varta źviartać uvahu na dolu admovaŭ. Časam karystalnik vypadkova traplaje na ŭmoŭny «Sputnik» pa zamanlivaj spasyłcy — naprykład, z sacsietak ci z pošukavika. Adkryvaje na niekalki siekund materyjał i, rasčaravany, adrazu sychodzić. Farmalna vizit na sajt byŭ, ale vartaść takoha prahladu nižejšaja, čym ad pastajannaha čytača. U «NN» hety pakazčyk z najlepšych — 42%. Na advarotnym baku «Sputnik» i «SB. Biełaruś siońnia» — 75% ich naviednikaŭ sychodziać adrazu.
Inšy važny pakazčyk — dola vizitaŭ ź Biełarusi. Kali ŚMI maje mienš za pałovu vizitaŭ ź Biełarusi, to ci varta ličyć jaho biełaruskim? U naš rejtynh takija miedyja nie trapili. Heta baranavicki «Inteks-Pres», Kuku.org, Ej.by, Interfax.by, a taksama sajty telekanałaŭ ANT i STB.
Dla navinovaha składniku Tut.baja i Anłajniera padrabiaznaja statystyka nie pryvodzicca, bo jaje niama ŭ ahulnym dostupie. Ličba prahledžanych staronak u ich vypadku — suma prahledžanych staronak u kožnym z padraździełaŭ.
U rejtynh uklučanyja sajty, jakija majuć bolš za 1 miljon prahledžanych staronak za miesiac.
| № | Srodak masavaj infarmacyi | prahlady staronak | vizity | prahlady staronak za vizit | dola admovaŭ | dola vizitaŭ ź Biełarusi |
| 1 | Navinnyja padraździeły Tut.by — naviny, finansy, aŭto, sport, ledzi, 42, nieruchomaść, afiša | 96,56 | ||||
| 2 | Navinnyja padraździeły Onliner.by — ludzi, nieruchomaść, aŭto, technałohii | 37,78 | ||||
| 3 | Pressball.by / Priessboł | 6,83 | 1,93 | 3,54 | 47% | 73% |
| 4 | Kp.by / Komsomolskaja pravda v Biełarusi | 6,68 | 2,1 | 3,18 | 65% | 74% |
| 5 | NN.by / Naša Niva | 5,50 | 1,51 | 3,64 | 42% | 81% |
| 6 | Gazetaby.com / Salidarnaść | 4,73 | 1,94 | 2,44 | 73% | 52% |
| 7 | By.tribuna.com / Trybuna | 4,36 | 1,33 | 3,28 | 45% | 86% |
| 8 | Belaruspartisan.by/ Biełorusskij partizan | 4,34 | 1,36 | 3,19 | 55% | 79% |
| 9 | Belta.by / BiełTA | 3,86 | 1,82 | 2,12 | 60% | 76% |
| 10 | S13.ru (Hrodna) | 3,47 | 1,19 | 2,92 | 44% | 89% |
| 11 | Sputnik.by / Sputnik Biełaruś | 3,43 | 2,27 | 1,51 | 74% | 54% |
| 12 | Belnovosti.by / Biełorusskije novosti | 2,90 | 1,88 | 1,54 | 77% | 59% |
| 13 | Naviny.by / Naviny | 2,78 | 1,27 | 2,19 | 73% | 86% |
| 14 | Citydog.by | 2,73 | 1,18 | 2,31 | 62% | 76% |
| 15 | Udf.by | 2,65 | 0,74 | 3,58 | 54% | 83% |
| 16 | Virtualbrest.by / Virtualnyj Briest | 2,58 | 0,73 | 3,54 | 39% | 95% |
| 17 | Gomel.today / Silnyje Novosti (Homiel) | 2,55 | 0,89 | 2,87 | 57% | 85% |
| 18 | Sb.by / SB. Biełaruś Siońnia | 2,48 | 1,34 | 1,85 | 75% | 81% |
| 19 | Tvr.by / Biełteleradyjokampanija | 1,72 | 0,78 | 2,2 | 53% | 87% |
| 20 | Belsat.eu / Biełsat | 1,25 | 0,62 | 2,01 | 65% | 60% |
| 21 | Svaboda.org / Radyjo Svaboda | 1,04 | 0,47 | 2,22 | 59% | 75% |
Ciapier čytajuć
Stała viadoma, što za amierykaniec niadaŭna byŭ vyzvaleny ź biełaruskaj turmy6
Kamientary