Dla Jeŭrazijskaha ekanamičnaha sajuza 2018 hod staŭ nieadnaznačnym jak z palityčnaha, tak i z ekanamičnaha punktu hledžańnia. Pra heta Alaksandr Łukašenka zajaviŭ siońnia na pasiadžeńni Najvyšejšaha Jeŭrazijskaha ekanamičnaha savieta ŭ Sankt-Pieciarburhu, piša BIEŁTA.
«Siońnia my padvodzim vyniki ahulnaj pracy ŭ farmacie sajuza za hety hod i vyznačajem aryjenciry ŭzajemadziejańnia na nastupny. Što tyčycca minułaha pieryjadu, to jon źjaŭlajecca dosyć nieadnaznačnym jak z palityčnaha, tak i z ekanamičnaha punktu hledžańnia», - skazaŭ Alaksandr Łukašenka.
Siarod pazityŭnych dasiahnieńniaŭ jon adznačyŭ ustupleńnie ŭ siłu damovy ab Mytnym kodeksie JEAES, nadzialeńnie Małdovy statusam naziralnika. Dziaržavy — členy sajuza taksama padpisali časovaje pahadnieńnie, jakoje viadzie da ŭtvareńnia zony svabodnaha handlu ź Iranam, i pahadnieńnie ab handlova-ekanamičnym supracoŭnictvie z Kitajem.
«Biełaruś raźličvaje, što normy, zamacavanyja ŭ hetych dakumientach, buduć realizavany ŭ poŭnaj miery. Kožny ź ich prymaŭsia z začynam na budučyniu i z raźlikam na značny ekanamičny efiekt», - zajaviŭ kiraŭnik dziaržavy.
Razam z tym jon adznačyŭ, što isnujuć važnyja pytańni, jakija da hetaha času zastajucca niavyrašanymi. Jany tyčacca likvidacyi barjeraŭ u handli, farmiravańnia ahulnych rynkaŭ hazu i nafty, cyfravizacyi ekanomik krain JEAES, raźvićcia kaapieracyi ŭ śfiery pradastaŭleńnia kaśmičnych i hieainfarmacyjnych pasłuh.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta4
Kamientary