Rasija i Biełaruś damovilisia praciahnuć razhlad pytańnia ab kampiensacyi strat ad padatkovaha manieŭru z ulikam inšych pytańniaŭ dvuchbakovych adnosin, paviedamiŭ pieršy vice-premjer-ministr finansaŭ Rasii Anton Siłuanaŭ, paviedamlaje «Interfaks».
«Damovilisia razhledzieć hetaje pytańnie ŭ bolš šyrokim farmacie. Na ŭzroŭni ŭrada», — skazaŭ jon.
Jon adznačyŭ, što taki farmat praduhledžvaje abmierkavańnie nie tolki padatkovaha manieŭru, a bolš šyrokaha koła tem, źviazanych z «budaŭnictvam Sajuznaj dziaržavy, što vyznačana dahavoram ad 1999 hoda».
Raniej krynica «Interfaksa» paviedamlała, što rasijski vice-premjer Dźmitryj Kozak na sustrečy ź biełaruskaj delehacyjaj 11 śniežnia nie staŭ abmiarkoŭvać kampiensacyju strat ad padatkovaha manieŭru i źnižku na haz. Jon adznačaŭ, što vice-premjer nie ličyć mahčymym abmiarkoŭvać heta «da pryniaćcia pryncypovych rašeńniaŭ pra ruch u kirunku dalejšaj intehracyi Rasii i Biełarusi ŭ ramkach Sajuznaj dziaržavy».