kremlin.ru
Data nastupnaj sustrečy Uładzimira Pucina i Alaksandra Łukašenki — dla vyrašeńnia sprečnych pytańniaŭ rasijska-biełaruskich adnosin pakul nie vyznačana. Pra heta zajaviŭ žurnalistam pres-sakratar prezidenta Rasii Dźmitryj Piaskoŭ, piša TASS.
«Pakul dakładnaj daty niama», — skazaŭ jon. Raniej z abodvuch bakoŭ paviedamlałasia, što sustreča adbudziecca da kanca 2018 hoda.
Pradstaŭnik Kramla nahadaŭ, što «biełaruskim bokam stavicca šerah pytańniaŭ, dastatkova pradmietnych, jość pytańni, jakija zakranajucca rasijskim bokam». «Abmien mierkavańniami i praca na najvyšejšym uzroŭni prezidentami buduć praciahnutyja, takoje jość razumieńnie ŭ dvuch kiraŭnikoŭ dziaržaŭ», - dadaŭ jon.
Pres-sakratar kiraŭnika rasijskaj dziaržavy padkreśliŭ, što «ciesnyja sajuźnickija adnosiny majuć na ŭvazie najaŭnaść vialikaj kolkaści apieratyŭnych pytańniaŭ, i niepaźbiežna ŭźnikajuć prablemnyja situacyi».
«I kab nie dapuścić niejkich kłubkoŭ supiarečnaściaŭ, dva prezidenty damovilisia pravieści jašče adnu sustreču», — dadaŭ Piaskoŭ.
Pa słovach pradstaŭnika Kramla, kiraŭniki dziaržaŭ nie stavili žorstkich terminaŭ vyrašeńnia supiarečnaściaŭ. «Tut niama nijakich terminaŭ», — adkazaŭ Piaskoŭ, dadaŭšy, što «tut hałoŭnaje — znajści takija rašeńni, jakija zadavolili b i Minsk, i Maskvu».
U pryvatnaści, pavodle jaho słoŭ, pakul nie ŭdałosia vyrašyć supiarečnaści Maskvy i Minska vakoł padatkovaha manieŭru ŭ naftavaj halinie.
Adkazvajučy na pytańnie, čamu važna pravieści novuju sustreču Pucina i Łukašenki da Novaha hoda, Piaskoŭ zaŭvažyŭ: «Niekatoryja novyja ekanamičnyja niuansy źjaŭlajucca paśla Novaha hoda». «Naprykład, biełaruski bok ličyć, što nieabchodnaja kampiensacyja ŭ suviazi z padatkovym manieŭram. Rasijski bok nie va ŭsim zhodny», — adznačyŭ jon.