Pasolstva Polščy ŭ Biełarusi paviedamlaje, što jaho konsulskija ŭstanovy vydajuć amal pałovu ŭsich šenhienskich viz u Biełarusi.
Źmieny, jakija ŭvodziacca z 2 studzienia 2019 hoda, «nosiać čysta techničny charaktar, ich meta — jašče bolšaja adkrytaść na patreby hramadzian Biełarusi, jakija ŭjazdžajuć u Polšču, a taksama ŭjazdžajuć praz Polšču ŭ inšyja krainy-členy Šenhienskaha pahadnieńnia. Hramadzianam Biełarusi, jakija padajuć dakumienty na atrymańnie vizy, hetyja źmieny nie pryčyniać niazručnaściaŭ», — havorycca ŭ paviedamleńni.
Dypłamaty tłumačać, što krainy-členy Šenhienskaha pahadnieńnia ŭnifikavali pieralik patrebnych dakumientaŭ dla afarmleńnia vizaŭ.
Siarod abaviazkovych dakumientaŭ ciapier jość paćviardžeńnie braniravańnia haścinicy ŭ Polščy na čas znachodžańnia.
Raniej vizu «na zakupy» vydavali i biez najaŭnaści broni hatela.
