Biełaruś 1
Amal uvieś dzień ad 7.25 da 17.10 buduć pakazvać šmatsieryjny film «Maja lubimaja śviakroŭ».
Paśla jaho, jašče adzin sieryjał — «Svaty», jaki skončycca tolki pierad samaj «Panaramaj».
Paśla apošniaha ŭ hetym hodzie vypusku navin — śviatočnaja prahrama «Z Novym hodam, Biełaruś!».
Na ekranie — usie znajomyja tvary: ad Anatola Jarmolenki i Alaksandra Saładuchi, da Iskui Abalan i Hieorhija Kałduna.
Tradycyjna, śviatkavańnie pierapynicca ŭ 23.50 na vinšavańnie Alaksandra Łukašenki.
Paśla apoŭnačy na «Biełaruś 1» pakažuć rasijski film «Pryvid» ź Fiodaram Bandarčukom u hałoŭnaj roli.
Biełsat
Ciaham dnia multfilmy, kino i śviatočnyja pieradačy. Humarystyčnaja «Chaj tak TV» i navinnaja «Voś tak», histaryčnaja «Zahadki biełaruskaj historyi» i kulinarnaja «Ja nie budu heta jeści».
Telekanał «Biełsat» taksama prapanuje razam padvieści vyniki 2018 hoda ŭ prahramie «Hod z «Biełsatam». Pačnuć padvodzić vyniki hoda na telekanale ŭ 21.25.
Uviečary — kancerty.
Pačnuć z «Narodnaha alboma». Paśla — premjera navahodniaha kancerta «U Maskvie nas nie zrazumiejuć». Taho samaha, dzie Volski syhraje staršyniu ideałahičnaj kamisii.
U muzyčnym filmie «Biełsatu» źnialisia Aleh Chamienka, Juryj Stylski, Viktar Šałkievič, Alaksandr Iljin, Nasta Špakoŭskaja, Aleś Lutyč, Źmicier Vajciuškievič, Palina Respublika, Siarhiej Bašłykievič, Dzianis Tarasienka, Pavał Haradnicki, Aleś Dzianisaŭ i inšyja.
Paśla apoŭnačy na telekanale kancert Džamały, «Akijana Elzy» i «Krambambuli».
Biełaruś 2
U apošni dzień 2018 hoda «Biełaruś 2» prapanuje ŭspomnić dziacinstva i narazać sałaciki vyklučna pad siamiejnaje kino.
Ad ranicy — «101 i 102 dałmacincy», u 14.45 — «Alisa ŭ krainie cudaŭ» i «Alisa ŭ zalustarkoŭi». U 22.00 — multfilm «Advažnaje serca».
Paśla apoŭnačy i da čatyroch ranicy — usie častki multfilma «Madahaskar».
Pad samuju ranicu «Biełaruś 2» prapanoŭvaje pahladzieć film «Indyjana Džons». Vidać dla tych, kamu nie chapiła ŭłasnych navahodnich pryhodaŭ.
Biełaruś 3
«Biełaruś 3» paraduje sapraŭdnym śviatočnym viniehretam: kłasikaj savieckaha kino — «Karaleŭstva kryvych lusterkaŭ», «Adzinokim pradastaŭlajecca internat» i « Pałasaty rejs», multfilmami pra Marozka, Śniežnuju Karalevu i Prastakvašyna.
Ciaham dnia pakažuć až piać vypuskaŭ pieradačy «Biełaruskaja kuchnia», tamu, kali vy tak i nie vyrašyli, što hatavać na stoł, možacie padhledzieć recepty sapraŭdnaj biełaruskaj kuchni. Kažuć, što navučać hatavać piečanuju huś, sała z paranaj kapustaj, faršyravanaha linia sa śmiatanaj.
Razbavić hety viniehret kancerty ansambla «Biasieda» i tvorčy viečar kampazitara Aleha Žukava.
U 20.40 — «Kałychanka».
A sustreć 2019 hod «Biełaruś 3» prapanoŭvaje kancertam «U kłasičnym styli». Na scenu vyjduć biełaruskija zorki opiery i apierety.
Paśla apoŭnačy znoŭ kłasika kino — «Karnavał».
Biełaruś 5
Na spartyŭnym kanale ciaham dnia nahadajuć pra samyja značnyja starty i pieramohi biełaruskich atletaŭ u 2018 hodzie.
ANT
Telekanał ANT vyrašyŭ pakazvać savieckaje kino.
Biez «Ironii losu» nie abydziecca, tamu, kali 31 śniežnia dla vas asacyjujecca z hetym filmam, to ŭklučajcie televizar a 19-j hadzinie.
Da jaho pakažuć «Dziaŭčat», «Bryljantavuju ruku», «Kachańnie i hałuby», «Džentlmieny ŭdačy».
U 23.00 raspačniecca «Navahodniaja noč», prajekt rasijskaha Pieršaha kanała.
Biełarusy, jakija buduć sustrakać Novy hod pad telekanał ANT, sustrenuć jaho u kampanii Kirkorava, Hałkina, Urhanta, Nahijeva, Biłana, Siutkina, Brežnievaj i Haharynaj.
RTR-Biełaruś
Hety telekanał ciaham dnia budzie radavać śviatočnymi kancertami z rasijskim zorkami. «Najlepšyja pieśni», «Navahodni parad zorak» «Błakitny ahieńčyk — 2019». Z hoda ŭ hod adno i toje ž.
NTV- Biełaruś
Nu što jašče hladzieć u pieradnavahodni dzień pa telekanale NTV? Kaniečnie ž, «Pryhody Muchtara» i «Vulicy raźbitych lichtaroŭ».
U 23.45 pačniecca navahodni kvaternik. Hości hetaha kancertu — «zorki, jakich nie puścili na błakitny ahieńčyk»: Haryk Sukačoŭ, Juryj Šaŭčuk, Siarhiej Hałanin, Siarhiej Čyhrakoŭ, «Čajf», «Krematoryj», «Młyn», Louna, The Hatters, Animal DžaZ.
Buduć na kvaterniku i biełarusy — Alona Śvirydava i hurt «Bi-2».
STB
Na telekanale STB pierad Novym hodam nie ŭdasca pabačyć našych zorak, zatoje telekanał u 23.00 pakaža dakumientalny film «Naš 2018», u jakim uspomniać, čym žyła kraina ŭ 2018 hodzie.
Ciaham dnia — staryja filmy. «Pakroŭskija varoty», «Dvanaccać kresłaŭ», «Karnavalnaja noč». I krychu novych: «Horka» i «Jełki».
Mir
Ciaham dnia tolki «Dyskateka 80-ch».