Brytanija pavinna znoŭ adčuć siabie «hłabalnym hulcom» paśla vychadu ź Jeŭrapiejskaha sajuza, zajaviŭ ministr abarony Vialikabrytanii Hevin Uiljamsan u intervju haziecie The Telegraph. Pavodle jaho słoŭ, Łondan maje namier pašyryć sietku vajskovych baz.
Uiljamsan zajaviŭ, što paśla vychadu ź ES upłyŭ Brytanii na mižnarodnaj arenie znoŭ pavinien pačać raści. «My pavinny być aptymistyčnyja nakont našaj budučyni paśla vychadu ź Jeŭrapiejskaha sajuza. Heta najvažniejšy momant u našaj historyi paśla kanca Druhoj suśvietnaj vajny», — padkreśliŭ jon.
Pa słovach Uiljamsana, dla pašyreńnia ŭpłyvu Łondan maje namier pavialičyć kolkaść vajskovych baz u roznych rehijonach śvietu. «Ja nadaju vialikuju ŭvahu pytańniu ab tym, jak my možam maksimalna pavialičyć kolkaść našych sił i srodkaŭ pieradavoha bazavańnia, stvarajučy faktary strymlivańnia, pry hetym taksama zabiaśpiečvajučy brytanskuju prysutnaść. My vyvučajem takija mahčymaści nie tolki na Dalokim Uschodzie, ale taksama i ŭ rehijonie Karybskaha mora», — skazaŭ jon.
Pavodle źviestak krynic vydańnia ŭ atačeńni ministra, havorka moža iści ab stvareńni vajskovych baz u byłych brytanskich kałonijach — Sinhapury i Bruniei ŭ Paŭdniova-Kitajskim mory, a taksama ŭ Hajanie i brytanskaj zamorskaj terytoryi Mantserat na Karybach.
Uiljamsan patłumačyŭ, što takim čynam Vialikabrytanija adrakajecca raspačataj ŭ 1968 hodzie palityki, u miežach jakoj kraina zhortvała bazy, jakija znachodziacca na ŭschod ad Sueca. Tak Brytanija daść zrazumieć inšym krainam, što znoŭ stanovicca «hłabalnaj dziaržavaj», skazaŭ ministr.
Niahledziačy na vychad ich ES, Łondan nie adrakajecca ŭdziełu ŭ sumiesnym płanavańni abarony jeŭrapiejskich krain. U pačatku śniežnia Łondan anansavaŭ praviadzieńnie vajennych vučeńniaŭ u Bałtyjskim mory z udziełam estonskich sił. U Estonii taksama budzie pašyrany brytanski vajenny kantynhient — na ŭzmacnieńnie ŭžo najaŭnych złučeńniaŭ u krainu buduć pierakinutyja 20 novych tankaŭ.
