U efiry prahramy The Week na ŭkrainskim telekanale «Priamij» pa suviazi vystupiŭ Mikałaj Statkievič. Viadučyja prahramy kazali pra pahłynańnie Biełarusi Rasijaj jak pra niepaźbiežny fakt, i pytańnie tolki ŭ časie, kali heta adbudziecca. Varta adznačyć, što taki punkt hledžańnia zaraz źjaŭlajecca mejnstrymnym u hałoŭnych ukrainskich ŚMI.
Mikałaj Statkievič nie pahadziŭsia ź viadučymi i zajaviŭ, što pahłynańnia Biełarusi nie adbudziecca. Jon upeŭnieny, što navat kali Łukašenka i zachoča atrymać čarhovyja datacyi praz zdaču realnaha suvierenitetu, to heta tolki paskoryć jaho kaniec. Taksama Statkievič nahadaŭ, što pavodle sacyjałahičnych apytańniaŭ miljon biełarusaŭ hatovyja sa zbrojaj abaraniać svaju krainu.
«Tut druhoha Kryma nie budzie, budzie druhi Afhanistan», — skazaŭ Statkievič.
