Hienieralnaja prakuratura Saudaŭskaj Aravii abviaściła ab praviadzieńni pieršaha pasiadžeńnia suda pa spravie ab zabojstvie saudaŭskaha žurnalista Džamala Chašohi, paviedamlajuć infarmahienctvy.
Pieršyja słuchańni prajšli ŭ kryminalnym sudzie ŭ stalicy krainy, Er-Ryjadzie. Pierad sudom stali 11 čałaviek, jakija abvinavačvajucca ŭ datyčnaści da zabojstva žurnalista.
Prakuratura Saudaŭskaj Aravii zapatrabavała śmiarotnaha pakarańnia piaciarym abvinavačanym. Sudovym uładam Turcyi byŭ nakiravany zapyt z prośbaj pieradać najaŭnyja ŭ ich dokazy pa hetaj spravie. Rasśledavańnie praciahvajecca.
Kałumnista The Washington Post Džamala Chašohi zabili 2 kastryčnika, kali toj pryjšoŭ u dyppradstaŭnictva Saudaŭskaj Aravii ŭ Stambule pa dakumienty, jakija dazvolili b jamu paćvierdzić razvod i zaklučyć novy šlub z hramadziankaj Turcyi. Niaviesta čakała jaho niepadalok ad konsulstva.
