U novym vypusku Chaj Tak TV na «Biełsacie» znany bard Źmicier Bartosik pieraśpiavaŭ «Mokryja krosy» Cimy i «Aptymist» Karža — lepiej za aryhinały.
Taksama hladzicie:
- Ściobny haraskop—2019: darmalei, milicyjony i apazijarohi.
- Ukrainamoŭny Lenin - ćvik siezona!
- Jak praź internet paskardzicca na ŽES i DAI, kab za heta ničoha nie było?
Šou vychodzić na Biełsacie ad vieraśnia. Upieršyniu ŭ telefarmacie — pra Biełaruś, pa-biełarusku i biez cenzury.
Pavodle kancepcyi, Chaj Tak TV — heta samy padpolny biełaruski telekanał, jašče bolš padpolny, čym Biełsat.
Sa studyi, jakaja raźmiaščajecca «ŭ nieviadomym miescy», Chaj Tak TV štosuboty a 20.30 pirackim čynam uryvajecca na efirnyja chvali Biełsata.
A troje jahonych viadoŭcaŭ — śmiełyja i bieskampramisnyja Sieva Ścieburaka, Dźmitry Jesianievič i Jaŭhien Baryšnikaŭ — kamientujuć biełaruskuju rečaisnaść całkam pa-novamu: praz daviadzieńnie da poŭnaha absurdu.
U kožnym vypusku — skietčy, repartažy dy apytanki, abmierkavanie navinaŭ i razmova z hościem.
U sakretnuju studyju padpolnaha TB prychodziać biełaruskija zorki — tut byli Viktar Marcinovič, Adam Hłobus, Palina Respublika, Pavieł Charłančuk, a taksama mnohija inšyja. I nichto z haściej nie viedaje, da čaho ich zmusiać viadoŭcy ŭ efiry.
