Ministr adukacyi: U Biełarusi nie pamylilisia, admoviŭšysia ad ekzamienaŭ u piatyja kłasy himnazij
U Biełarusi nie pamylilisia, admoviŭšysia ad adboru školnikaŭ u piatyja kłasy himnazij pa vynikach ekzamienaŭ, zajaviŭ ministr adukacyi Ihar Karpienka u intervju prahramie «Tydzień» telekanała STB.
«My ŭpeŭnienyja ŭ hetym rašeńni. Chto siońnia kaža, što treba vybudavać sistemu adboru bolš matyvavanych, bolš talenavitych dziaciej i dla hetaha adziny sposab — ekzamien, kryvić dušoj. Siońnia luby dobry piedahoh bačyć dziaciej, nakolki jano prajaŭlaje siabie, nakolki maje ciahu da taho ci inšaha pradmietu. Atestacyja — tolki niaznačnaja častka, jakaja ŭ peŭnaj stupieni pakazvaje niejki vynik», — adznačyŭ Karpienka.
Jon dadaŭ, što varta ŭ sistemie ahulnaj siaredniaj adukacyi stvaryć «sistemu roŭnych mahčymaściaŭ dla ŭsich dziaciej», navučencaŭ i ŭ małakamplektnaj sielskaj škole, i ŭ licejach i himnazijach Minska.
«Nie skazaŭ by, što byŭ vialiki ažyjataž (vakoł pastupleńnia ŭ himnazii). Navat u Minsku nie było hłabalnych prablem, zvaroty da nas byli adzinkavyja i vyrašalisia ŭ pracesie pastupleńnia. Hod-dva, i hetaja tema sydzie z navinnaj pałasy. Faktyčna my zraŭniali mahčymaści dla vyvučeńnia na pavyšanym uzroŭni pradmietaŭ dla ahulnaadukacyjnych škoł i himnazij», — reziumavaŭ ministr.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary