Niaščasny vypadak adbyŭsia ŭ Mahilovie ŭ parku Padnikolle 6 studzienia kala 23.00. Zahinuŭ małady čałaviek, što kataŭsia z horki na ciubinhu. Pra heta paviedamili ŭ sacyjalnych sietkach vidavočcy.
«Na maich vačach dvoje na ciubinhach lacieli z samaha vierchu horki. Na tramplinie ich padkinuła. Adzin narmalna pryziamliŭsia, ale taksama byccam słup začapiŭ. Druhi hałavoj ab słup daŭsia źlotu. Vielmi mocna i zvonka, jak zvon. Padlacieli da jaho — lažyć na śpinie, kroŭ ručajom z nosa. Prykmiet žyćcia nie było. Tam handlovyja kropki pobač — adtul padaśpieła dziaŭčyna z survetkami», — piša adzin ź vidavočcaŭ u supołcy Mahiloŭ Live Ukantakcie.
Pa śviedčańniach vidavočcaŭ, miedyki nie zmahli vyratavać chłopca. Zahinułamu było 24 hady.
Va UUS Mahiloŭskaha abłvykankama TUT.BY infarmacyju ab niaščasnym vypadku ŭ parku paćvierdzili.
Niesankcyjanavanuju horku ŭ parku arhanizavali sami haradžanie pobač ź leśvicaj z kaskadnym fantanam. Miedyki i raniej skardzilisia, što na joj traŭmujecca šmat ludziej — dniom z horki pryvoziać paciarpiełych dziaciej, a viečaram i nočču — darosłych.
Za niekalki dzion da trahiedyi na horcy była ŭstalavanaja šylda, što katacca tut zabaroniena.
U Pryłukach treciakłaśnik zahinuŭ, katajučysia z horki na ciubinhu
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary