Pasoł Babič nazvaŭ trahiedyjaj dla pravasłaŭnaha śvietu nadańnie aŭtakiefalii Ukrainskaj carkvie
Naviedvajučy manastyr u Žyrovičach 7 studzienia, pasoł Rasii ŭ Biełarusi Michaił Babič adkazaŭ na pytańni žurnalistaŭ pra siońniašniaje stanovišča pravasłaŭnaj carkvy va Ukrainie.
«Usio, što zaraz adbyvajecca ŭ brackaj Ukrainie ŭ suviazi z pradastaŭleńniem aŭtakiefalii carkvie — heta vialikaja trahiedyja dla ŭsiaho pravasłaŭnaha śvietu, pravasłaŭnych viernikaŭ i Ruskaj pravasłaŭnaj carkvy. Sproba ŭnieści raskoł idzie nie tolki pa linii ŭkrainskich viernikaŭ, ale heta i ŭ cełym sproba raskołu Ruskaj pravasłaŭnaj carkvy. Samaje strašnaje, što ciapier adbyvajecca sproba pad prykryćciom raskolnickich dziejańniaŭ padzialić ludziej pa palityčnaj prykmiecie», — źviarnuŭ uvahu Michaił Babič.
«Situacyja, jakaja składvajecca vakoł ŭkrainskich viernikaŭ pavinna atrymać samuju surjoznuju acenku. My pavinny rabić usio dla taho, kab hety raskoł nie adbyŭsia. Našym pravasłaŭnym ukrainskim bratam treba dapamahčy nie dapuścić samych niehatyŭnych palityčnych nastupstvaŭ, jakija mohuć vyciakać z pryniatych rašeńniaŭ. Praces rukatvorny i my bačym, što jon štučny. Dla hetaha vykarystoŭvajecca vielizarny administracyjny resurs. Heta sproba palityčnych manipulacyj i sproba ŭnieści raskoł u pravasłaŭny śviet», — cytuje słovy Babiča sajt rasijskaha pasolstva.
15 śniežnia 2018 hoda ŭ Kijevie prajšoŭ abjadnaŭčy sabor, na jakim była zasnavana adzinaja pamiesnaja pravasłaŭnaja carkva Ukrainy. Jaje ŭznačaliŭ 39-hadovy mitrapalit Jepifanij, što naležaŭ raniej da Kijeŭskaha patryjarchata.
Kanstancinopalski (Usialenski) patryjarch Varfałamiej padpisaŭ 5 studzienia tomas (carkoŭny ukaz) ab pradastaŭleńni aŭtakiefalii Pravasłaŭnaj carkvie Ukrainy (PCU). 6 studzienia tomas byŭ uračysta pieradadzieny ŭ Stambule pradstaŭnikam ukrainskaj carkvy ŭ prysutnaści prezidenta Piatra Parašenki.
Admietna, što na sinodzie RPC, što prajšoŭ u Minsku 15 kastryčnika, było pryniata rašeńnie pra razryŭ adnosinaŭ pamiž RPC i Kanstancinopalem.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary