Zdareńni ź ciubinhami za 6-7 studzienia 2019 hoda:
— Minsk (Frunzienski rajon): 6-hadovy chłopčyk pry spusku na ciubinhu z hary stuknuŭsia hałavoj ab dreva — množnyja pierałomy i traŭmy. Pravodzicca daśledčaja pravierka;
— Minski rajon (v. Laskoŭka): 8-hadovaja dziaŭčynka pry spusku na ciubinhu z hary stuknułasia hałavoj ab dreva — množnyja pierałomy i traŭmy. Pravodzicca daśledčaja pravierka;
— Minsk (Centralny rajon): 9-hadovaja dziaŭčynka pry spusku na ciubinhu z hary sutyknułasia hałavoj ź inšym dziciom — ciažkija traŭmy. Pravodzicca daśledčaja pravierka;
— Vaŭkavysk: 11-hadovy chłopčyk pry spusku na ciubinhu z hary stuknuŭsia śpinaj ab kamiani — ciažkija traŭmy, razryvy ŭnutranych orhanaŭ. Pravodzicca daśledčaja pravierka;
— Minsk (Saviecki rajon): 8-hadovy chłopčyk pry spusku na ciubinhu z hary stuknuŭsia hałavoj ab dreva — množnyja traŭmy, pierałomy, znachodzicca ŭ reanimacyi. Pravodzicca daśledčaja pravierka;
— Mahiloŭ: 24-hadovy mužčyna kataŭsia na ciubinhu z horki ŭ parku — stuknuŭsia hałavoj ab lichtarny słup — zahinuŭ. Pravodzicca daśledčaja pravierka.
Nahadvajem usim!
Katańnie na ciubinhach (nadzimanych sankach, vatruškach, pončykach, abarankach) źjaŭlajecca papularnym vidam praviadzieńnia volnaha času zimoj, ale treba być pilnymi z hetym spartyŭnym invientarom i nie zabyvać pra biaśpieku dziaciej.
Pakolki spusk z horki na ciubinhach adbyvajecca za košt siły hravitacyi i ŭ zaležnaści ad siły treńnia, to ruchacca jon moža davoli chutka, a kiravać «vatruškami» nie tak prosta — stanoviščam cieła, źmianiajučy centr ciažaru, što na vialikaj chutkaści nie zaŭsiody atrymajecca ŭ małoha.
Prosim ab zachavańni baćkami i dziećmi prostych praviłaŭ padčas zimovaha adpačynku:
— paźbiahajcie aktyŭnaha adpačynku kala aŭtamabilnych daroh, čyhunačnych šlachoŭ, zamiorzłych vadajomaŭ, a taksama inšych miescaŭ, jakija źjaŭlajucca zonaj pavyšanaj niebiaśpieki;
— nie vykarystoŭvajcie dla katańnia schiły i spuski, na maršrutach jakich prysutničajuć abjekty, jakija mohuć stać krynicaj traŭmatyzmu (drevy, ścieny budynkaŭ, słupy);
— vykarystoŭvajcie achoŭnyja srodki (nałakotniki, nakaleńniki, šlemy);
— zvažajcie na ŭzrostavyja abmiežavańni, nazvanyja ŭ instrukcyjach da spartyŭnaha invientara;
— nie adpuskajcie maleńkich dziaciej katacca adnych.
Bieražycie siabie i svaich blizkich!