Dobrušskija milicyjaniery złavili złodzieja-recydyvista nočču na darozie, paviedamiŭ BIEŁTA aficyjny pradstaŭnik UUS Homielskaha abłvykankama Vital Prystromaŭ.
Narad Dobrušskaha RAUS vyjechaŭ pa paviedamleńni ab bytavym skandale ŭ noč na 6 studzienia. Pa šlachu supracoŭniki ŭbačyli na abočynie nieviadomaha z rovaram i torbaj. «Uličvajučy, što na hadzińniku było 02.30, milicejski narad padjechaŭ da čałavieka, kab udakładnić, ci patrebna dapamoha. Kali apieratyŭnik vyjšaŭ z mašyny, to paznaŭ raniej nieadnarazova sudzimuju za ŭčynieńnie kradziažoŭ žycharku Dobruša», - raspaviali va UUS.
Milicyjaniery dastavili 65-hadovuju žančynu ŭ RAUS. U chodzie razboru vyśvietliłasia, što niezadoŭha da hetaha jana pabyvała ŭ letnich domikach i haspadarčych pabudovach adnaho z dačnych kaapieratyvaŭ.
Adcisnuŭšy dźviery abo źbiŭšy zamok, žančyna zabirała ŭsio, što mahła vynieści: rovar, TB-prystaŭki, budaŭničy instrumient, ćviki, aptečku. Prychapiła i dubovy vienik, šampuń, krem paśla haleńnia z čyjojści łaźni.
U bijahrafii zatrymanaj - 10 sudzimaściaŭ za kradziež majomaści: pieršaja datujecca 1989 hodam, apošniaja - 2014 hodam.
