Błohierka Šyryn Narčajeva stała viadomaj paśla pravakacyjnaj fotasiesieii, dzie jana zdymałasia bieź vierchniaha adzieńnia, ale ŭ nacyjanalnych kazachskich upryhožańniach. Mnohija ŭ Kachastanie paličyli heta abrazaj krainy i žančyn.
Šyryn Narčajevaj 18 hadoŭ, a rodam jana z horada Taraz, što ŭ paŭdniovym Kazachstanie.
«Cieła dla mianie ŭsiaho tolki abałonka. Niama čaho saromiecca — hrudzi jość u kožnaj dziaŭčyny, my ŭsie adnolkavyja», — skazała sama Šyryn.
Dziaŭčynie pasypalisia pahrozy ŭ sacyjalnych sietkach. A mužčyny miastečka Sarbastau Ałmacinskaj vobłaści navat vyjšli na admysłovy mitynh, kab asudzić junuju błohierku.
Niekalki dziasiatkaŭ žycharoŭ pasiołka ŭ videazvarocie abvinavacili dziaŭčynu ŭ biessaromnaści i zaklikali stać na šlach vypraŭleńnia, pakul nie pozna. «Svaim raździavańniem jana abraziła nie tolki kazachski narod, ale i ŭvieś žanočy rod», — skazali žychary Sarbastau.