60-hadovy biznesoviec z Saudaŭskaj Aravii (były nastaŭnik - bahatyja ž tam nastaŭniki) prapanuje vykupić za 10 miljonaŭ dalaraŭ čaravik, kinuty ŭ prezidenta Buša.
60‑hadovy biznesoviec z Saudaŭskaj Aravii (były nastaŭnik — bahatyja ž tam nastaŭniki) prapanuje vykupić za 10 miljonaŭ dalaraŭ čaravik, kinuty ŭ prezidenta Buša.
Nahadajem, što čornyja čaraviki kinuŭ u amierykanskaha prezidenta 29‑hadovy karespandent irackaha telekanału «Al‑Bahdadzija» Muntadar az‑Zejdzi. Pry hetym maładzion vyhuknuŭ: «Heta – raźvitalny pacałunak ad irackaha narodu tabie, sabaka!». Karespandenta aryštavali. Ciapier adbyvajecca pravierka, ci nie byŭ jon pad uździejańniem ałkaholu ci narkatyčnych srodkaŭ padčas svajho ŭčynku.
Los «srodku ataki» na siońnia nieviadomy. Pavodle adnoj ź viersij, abutak moh być skanfiskavany irackimi słužbami biaśpieki. Inšaja viersija palahaje ŭ tym, što čaraviki mahli źnieści ŭ jakaści suvienira supracoŭniki administracyi Buša.
Adnak kali sprava dojdzie da suda i az‑Zejdzi budzie pryznany nievinavatym, to jon zmoža patrabavać viarnuć jamu «prasłaŭleny» abutak.
Z prapanovaj vykupić čaraviki amal adrazu vystupiŭ techničny dyrektar irackaj futbolnaj kamandy Adnan Chamad. Jon prapanavaŭ zapłacić 100 tysiačaŭ dalaraŭ. Pavodle Chamada, «iracki žurnalist Muntadar az‑Zejdzi takim učynkam vykazaŭ staŭleńnie ŭsich irakcaŭ da Buša.
Učora inšy iracki biznesmien prapanavaŭ zapłacić «lubuju razumnuju» sumu za paru čaravikoŭ. I voś saudaŭskija ŚMI ahučyli košt u 10 miljonaŭ.
U razie praviadzieńnia ŭhody takija čaraviki stanuć samym darahim abutkam za ŭsiu historyju prodažaŭ.
Lider livijskaj revalucyi pałkoŭnik Muamar Kadafi ŭžo abvieściŭ, što ŭznaharodžvaje az‑Zejdzi livijskim miedalom «Za advahu». Kadafi taksama paviedamiŭ što ŭžo bolš za 200 advakataŭ vykazali žadańnie być abaroncami žurnalista ŭ sudzie.
U arabaŭ ličycca źniavahaj navat pakazać druhomu čałavieku padnoski, a ŭžo špurnuć — poŭny ździek.
Kamientary