Trom polskim ryma‑katalickim śviataram z Haradzienskaj dyjacezii nie padoŭžany dazvoł na relihijnuju dziejnaść u Biełarusi
Trom polskim ryma‑katalickim śviataram z Haradzienskaj dyjacezii nie padoŭžany dazvoł na relihijnuju dziejnaść u Biełarusi na 2009 hod.
Ksiandzam Janu Branoŭskamu ź vioski Hałynka Haradzienskaha rajona, Janu Skaniečnamu z haradskoha pasiołka Porazava Śvisłackaha rajona i Andžeju Kraŭčyku sa Słonima, jakija mnohija hady žyvuć na terytoryi Biełarusi, pradpisana zaviaršyć svaju dziejnaść u krainie da 1 studzienia 2009 hoda.
U intervju BiełaPAN načalnik adździeła pa spravach relihij aparatu ŭpaŭnavažanaha pa spravach relihij i nacyjanalnaściej Maryna Ćvilik matyvam admovy ŭ padaŭžeńni dazvołu nazyvała tuju akaličnaść, što
«ksiandzy nie vałodajuć dziaržaŭnymi movami Respubliki Biełaruś».
Kamientujučy situacyju, nastajaciel Haradzienskaj ryma‑katalickaj abščyny Najśviaciejšaj Panny Maryi Vostrabramskaj, Maci miłasernaści ksiondz Alaksandr Šemiet zaznačyŭ, što
dziaržava nie pavinna dyktavać relihijnaj arhanizacyi movu liturhii.
«Nakolki ja viedaju ksiandzoŭ, jakim nie padoŭžany dazvoł na relihijnuju dziejnaść, jany vałodajuć dziaržaŭnymi movami krainy prykładna na takim uzroŭni, jak astatnija biełaruskija ksiandzy i čynoŭniki.
I ja nie baču nieabchodnaści,kab u svaich prychodach, dzie na praciahu mnohich hadoŭ słužba viadziecca pa‑polsku,
hetyja śviatary razam sa svaimi prychadžanami stali malicca na biełaruskaj ci ruskaj movach», — skazaŭ ksiondz Alaksandr.
Zhodna ź nieaficyjnaj infarmacyjaj, moža być nie padoŭžany dazvoł na relihijnuju dziejnaść jašče šerahu zamiežnych rymska‑katalickich śviataroŭ, u tym liku trom ksiandzam i niekalkim manachiniam Minska‑Mahiloŭskaj archidyjacezii — taksama hramadzianam Polščy.
Kamientary