Źjavilisia čutki, što parkoŭka ŭ HZC Dana Mall stanie płatnaj. U administracyi centra CityDog.by hetuju infarmacyju paćvierdzili. Praŭda, pa terminach jašče ničoha dakładna skazać nie mohuć.
— Płatnuju parkoŭku my vyrašyli ŭvodzić tamu, što Dana Mall znachodzicca ŭ takim miescy, dzie parkoŭka «zabivajecca» transpartam tych, chto nie źjaŭlajecca naviedvalnikami našaha handlovaha centra. Niekatoryja minčanie i žychary pryharada pakidajuć mašyny na sutki, a realnyja naviedvalniki centra «kružać» i nie mohuć znajści miesca dla svajho aŭtamabila. Tamu budzie ŭstalavany biaspłatny pieryjad dla naviedvalnikaŭ, kab možna było «padsiekčy» tych, chto karystajecca hetaj parkoŭkaj nie pa pryznačeńni, — adznačyli ŭ administracyi Dana Mall.
Jakraz ciapier u handlovym centry vyznačajuć čas siaredniaj parkoŭki mašyn ludziej, jakija pryjazdžajuć u Dana Mall pa pakupki i zabaŭkami — hetyja niekalki hadzin i zrobiać biaspłatnymi.
— Taksama ŭ nas budzie pracavać sistema, jakaja zmoža raspaznavać pa nabytych kvitkach realnych naviedvalnikaŭ našaha kinateatra. Dla ich na čas prahladu filma — a heta hadziny čatyry — parkoŭka taksama budzie biaspłatnaj. Kali čałaviek zachoča pakinuć mašynu na bolš doŭhi čas, to jamu daviadziecca płacić pa taryfach, jakija my ŭstalujem, — paviedamili ŭ handlovym centry.
Pieršy čas usie parkovačnaje abstalavańnie budzie biaspłatna pracavać u testavym režymie. Kali budzie hatovaja ŭsia nieabchodnaja dakumientacyja z bankami i padatkovymi, administracyja HC abvieścić datu, ź jakoj pačnie dziejničać płatnaja parkoŭka i parkinh. Cana, jak skazali ŭ administracyi Dana Mall, «budzie takaja ž, jak pa horadzie».
Ciapier čytajuć
Jak vyhladaje pomnik na mahile Ramana Bandarenki FOTAFAKT3
Kamientary