Arhkamitet pa śviatkavańni 101-hodździa Biełaruskaj Narodnaj Respubliki padaŭ zajaŭku na praviadzieńnie Dnia Voli — 2019, paviedamiŭ u svaim telehramie 1863x.
Arhanizatary prapanujuć šeście ad vuł. Kastryčnickaj da stadyjona «Dynama» ź mitynham i kancertam.
Nahadajem, što roŭna 30 hadoŭ tamu, 19 lutaha 1989 hoda, BNF pravioŭ na «Dynama» mitynh pad bieł-čyrvona-biełym ściaham i «Pahoniaj», mitynh sabraŭ kala 40 000 čałaviek.
Padaču zajaŭki «Našaj Nivie» prakamientavaŭ lidar partyi BNF Ryhor Kastusioŭ.
«Zajaŭka padadziena ad jurydyčnych asob: BNF i kulturnicka-aśvietnickaj ustanovy «Amaroka», — skazaŭ jon. — Data mierapryjemstva — niadziela, 24 sakavika».
My zaŭvažyli, što taki scenar padajecca davoli ambitnym. Jak Kastusioŭ aceńvaje šansy na pośpiech?
«Takija razvahi niedarečnyja. Letaś taksama nie było peŭnaści, ci atrymajecca ŭ nas pravieści kancert la Opiernaha. I ciapier, jak i tady, jość žadańnie, spadzieŭ, ale i ryzyka. Jość papiarednija damoŭlenaści z «Dynama» ab kancercie, ale dla ich kančatkovaści patrebny dazvoł. My čakajem jaho ciaham miesiaca i zaklikajem usie partyi, palityčnyja i kulturnickija arhanizacyi padtrymać našuju inicyjatyvu i zrabić usio, kab hodna adśviatkavać uhodki abviaščeńnia niezaležnaści Biełaruskaj Narodnaj Respubliki», — padsumavaŭ Kastusioŭ.
-
«Baimsia, što jaje nie vypuściać ź Biełarusi». Baćki minskich padletkaŭ raskazali, jak škoły kantralujuć płany pastupleńnia ich dziaciej
-
«Čałaviek, zaniaty lubimaj spravaj, nie stareje». Biełarus robić u Polščy rycarskija daśpiechi pa 15 tysiač jeŭra
-
«Zachvareŭ? Idzi ŭ chram». Andrej Lemiašonak raskazaŭ, jak zaražaŭ ludziej na Vialikdzień 2020 hoda
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta10
Kamientary