Pjany minčuk źbiŭ žonku i pahražaŭ milicyi samahubstvam. Jaho pryjšłosia zatrymlivać z AMAPam, paviedamlaje Frunzienskaje RUUS.
Milicyjanty pasprabavali pahavaryć z mužčynam, supakoić jaho, ale toj začyniŭsia ŭ kvatery i skazaŭ, što kali choć niechta da jaho zojdzie, jon vykiniecca z akna. U kvatery znachodziłasia zbroja, jakuju jon taksama źbiraŭsia vykarystoŭvać. Pryniali rašeńnie vyklikać supracoŭnikaŭ AMAP.
U hety čas učastkovy, što pryjechaŭ z naradam, znajšoŭ siabroŭ mužčyny i paprasiŭ ich pahavaryć ź im. Adnak pryjacieli ničym nie zmahli dapamahčy. Mužčynu heta tolki padbuchtoryła na novyja pahrozy — parezać siabie. Praz paŭhadziny ŭčastkovamu ŭdałosia ŭhavaryć žonku pahutaryć z mužam. Toj pahadziŭsia ŭpuścić žonku, ale zajaviŭ, što praciahnie jaje źbivać. Zamiest žančyny ŭ kvateru ŭvajšli bajcy AMAPu.
Mužčynu pryciahnuli da administracyjnaj adkaznaści za pryčynieńnie cialesnaha paškodžańnia žoncy i supraciŭleńnie supracoŭnikam milicyi.
Kamientary