Śpiecpradstaŭnik Pucina, pasoł Rasii ŭ Biełarusi Michaił Babič abmierkavaŭ pierśpiektyvy dalejšaha supracoŭnictva z kiraŭnikami «Minskaha zavoda kołavych ciahačoŭ» i «Pielenh». Babič taksama pahutaryŭ sa staršynioj Dziaržkamvajenprama Biełarusi Ramanam Hałoŭčankam, paviedamlaje pres-słužba rasijskaha pasolstva ŭ Minsku.
Fota: Pasolstva Rasii ŭ Biełarusi.
Kala 90% pradukcyi Minskaha zavoda kołavych ciahačoŭ prychodzicca na Rasiju, dzie na bazie biełaruskich šasi ŭstaloŭvajucca rakietny kompleks stratehičnaha pryznačeńnia «Topol-M», apieratyŭna-taktyčny rakietny kompleks «Iskander», a taksama reaktyŭnaja sistema załpavaha ahniu «Urahan» i zienitna-rakietnyja sistemy S-300 i S-400.
U svaju čarhu bolš za 200 rasijskich pradpryjemstvaŭ źjaŭlajucca pastaŭščykami syraviny, materyjałaŭ i kamplektujučych dla AAT «MZKC».
