U kancy minułaha tydnia stracili svaje pasady kiraŭniki Partyzanskaha i Kastryčnickaha rajonaŭ Minska. U piatnicu Dzianis Aŭsianikaŭ i Anatol Žukoŭski adpracavali na pasadach apošni dzień, paviedamili Tut.by niekalki krynic.
Adna krynica raspaviadaje, što čynoŭniki zvolnienyja pa pahadnieńni bakoŭ i jany znachodziacca na voli.
Kiraŭnikom Partyzanskaha rajona z 2014 hoda źjaŭlaŭsia Dzianis Aŭsianikaŭ. Kastryčnicki ž rajon z 2009 hoda ŭznačalvaŭ Anatol Žukoŭski.
Niadaŭna kiraŭnika Frunzienskaha i Zavodskaha rajonaŭ pajšli na pavyšeńnie i stali namieśnikami staršyni Minharvykankama. Takim čynam, u stalicy zaraz 4 rajony z 9 nie majuć svaich kiraŭnikoŭ.
U kancy śniežnia na naradzie ŭ prezidenta kiraŭnik KDB Valeryj Vakulčyk zajaviŭ, što adzin z kiraŭnikoŭ rajonaŭ znachabiŭsia tak, što kožny čaćvier biaspłatna atrymlivaŭ pradukty z kramy.
Dapaŭnieńnie: Paźniej stała viadoma, što kiraŭniki administracyj Partyzanskaha i Kastryčnickaha rajonaŭ stalicy zvolnienyja pa pahadnieńni bakoŭ, paviedamiła karespandentu BiełTA pres-sakratar Minharvykankama Alena Mochar.
Kamientary