Va Ukrainie 21-hadovaja studentka zamierzła ŭ lesie naśmierć — jaje vysadzili z maršrutki za nieapłačany prajezd?
U Žytomirskaj vobłaści Ukrainy 21-hadovaja dziaŭčyna pamierła ad pieraachaładžeńnia paśla taho, jak jaje nibyta vysadzili z maršrutki pamiž nasielenymi punktami.
Cieła studentki Navahrad-Vałynskaha miedycynskaha kaledža Iryny Dvareckaj znajšli 10 studzienia ŭ lesie.
Dakładna viadoma, što dziaŭčyna jechała a 4-j ranicy ŭ maršrutcy da maci ŭ žytomirskuju balnicu, i ŭ jaje nie było hrošaj na prajezd — 25 hryŭniaŭ (kala $1).
Što adbyłosia ŭ aŭtobusie? Hučać roznyja viersii.
Kiroŭca i kanduktar śćviardžajuć, što dziaŭčyna była pjanaja. Maŭlaŭ, kali ŭ jaje paprasili zapłacić za prajezd, jana vyrašyła na prypynku vyjści z maršrutki. Pierad tym jašče i pasvaryŭšysia pa telefonie z baćkami.
Vidavočcy ŭ internecie apisvajuć inšaje raźvićcio padziej. Pavodle ich, dziaŭčyna zabyłasia hrošy, tamu prapanoŭvała ŭ zakład mabilny telefon, paabiacaŭšy paśla addać hrošy. Adnak kanduktar vyhnaŭ jaje z maršrutki.
Tak ci inačaj, dziaŭčyna rušyła pieššu, pryčym vyrašyła zrezać darohu praź les. Tam jana zabłukała, dy jašče i trapiła ŭ babrovuju jamu. Studentka nie zmahła vybracca ź jaje i zamiorzła. Praz dva dni jaje na miescy hibieli znajšoŭ baćka.
Jak paviedamili paźniej ukrainskija ŚMI, palicyja Žytomirskaj vobłaści nie paćvierdziła, što dziaŭčynu vysadzili z maršrutki. Heta ž nie paćvierdziŭ nivodny sa śviedkaŭ — pasažyraŭ taho rejsu. Jany kažuć pra toje, što dziaŭčyna sieła ŭ aŭtobus na prypynku ŭ vioscy Rudnia-Chočynskaja i sama vyjšła na nastupnym prypynku Pierha, nie raźličyŭšysia za prajezd. Adlehłaść pamiž dźviuma vioskami składaje 3—5 km.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary