Alaksandr Łukašenka ŭručyŭ siońnia dypłomy doktara navuk i atestaty prafiesara navukovym i navukova-piedahahičnym rabotnikam, piša BiełTA
Jon adznačyŭ, što va ŭsie časy navucy było ciesna ŭ ramkach dziaržaŭnych i hieapalityčnych miežaŭ, jana niaźmienna naležyć usiamu čałaviectvu i zaklikanaja słužyć na karyść cyvilizacyi. «Vaš adviečny tezis — navuka internacyjanalnaja. I vam, biełaruskim navukoŭcam, jak i ŭsioj suśvietnaj navukovaj supolnaści, treba budzie jašče niamała zrabić, kab adkazać na biesprecedentnyja pa składanaści i šmatmiernaści sučasnyja vykliki», — skazaŭ jon.
Tak, treba praciahnuć pošuk alternatyŭnych krynic enierhii, spynić niezvarotnyja ekałahičnyja źmieny, adkryć novyja sposaby prafiłaktyki nievylečnych chvarob i baraćby ź imi, pieraadoleć charčovyja kryzisy i vyrašyć mnohija inšyja prablemy, aktualnyja dla ŭsich žycharoŭ płaniety. «Ale ŭ maštabach svajoj krainy my pavinny razam pracavać pierš za ŭsio na dasiahnieńnie dziaržaŭnych stratehičnych metaŭ», - padkreśliŭ Alaksandr Łukašenka.
Jon dadaŭ, što nieabchodna pavyšać kankurentazdolnaść ajčynnaj ekanomiki, harantavać nacyjanalnuju biaśpieku Biełarusi, umacoŭvajučy suvierenitet krainy. «I, nakiroŭvajučy svoj talent, majsterstva na dalejšaje stvareńnie, źmianiać uvieś śviet da lepšaha, padymać čałaviectva na novuju stupień raźvićcia. Tamu što tam, dzie vysoka staić navuka, vysoka budzie stajać i čałaviek», - zajaviŭ kiraŭnik dziaržavy.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary