Kuryć na prypynkach ciapier budzie kateharyčna zabaroniena

 U Biełarusi pryniaty miery pa ŭzmacnieńni antytytuniovaha zakanadaŭstva.

Heta vynikaje z dekreta №2 «Ab źmianieńni dekretaŭ prezidenta Respubliki Biełaruś», jaki praduhledžvaje karekciroŭku dekretaŭ ad 17 śniežnia 2002 hoda №28 i ad 18 kastryčnika 2007 hoda №4, što rehulujuć vytvorčaść, abarot i spažyvańnie tytuniovych vyrabaŭ. Adpaviedny dakumient Alaksandr Łukašenka padpisaŭ 24 studzienia.

Asnoŭnaja meta dekreta — paśladoŭnaje abmiežavańnie dastupnaści tytuniovych vyrabaŭ, praduchileńnie niehatyŭnaha ŭpłyvu kureńnia na stan zdaroŭja nasielnictva.

Dekretam praduhledžana zakanadaŭčaje ŭrehulavańnie vytvorčaści, abarotu i vykarystańnia elektronnych sistem kureńnia, a taksama prystasavańniaŭ, jakija vykarystoŭvajucca dla nahravańnia tytuniu bieź jaho hareńnia abo tleńnia — sistem dla spažyvańnia tytuniu.

Vyznačana, što na takija sistemy buduć raspaŭsiudžvacca asobnyja pravavyja normy, jakija dziejničajuć adnosna vytvorčaści, abarotu i spažyvańnia tytuniovych vyrabaŭ.

U pryvatnaści, prava na ažyćciaŭleńnie dziejnaści, źviazanaj z vytvorčaściu i abarotam sistem dla spažyvańnia tytuniu, elektronnych sistem kureńnia i vadkaściej dla ich, pradastaŭlajecca tolki subjektam haspadarańnia Biełarusi. Uvodzicca zabarona adkrytaha vykładvańnia vadkaściej dla elektronnych sistem kureńnia ŭ vitrynach i inšym handlovym abstalavańni. Praduhledžvajucca abmiežavańni pa miescach prodažu, vykarystańnia (spažyvańnia) elektronnych sistem kureńnia. Uvodziacca zabarony na rekłamu, prodaž niepaŭnaletnim vadkaściej dla elektronnych sistem kureńnia.

U dekrecie taksama zamacoŭvajecca pašyreńnie pieraliku miescaŭ, u jakich poŭnaściu zabaraniajecca kureńnie. U pryvatnaści, zabarona na kureńnie ŭvodzicca adnosna dapamožnych pamiaškańniaŭ žyłych damoŭ, liftaŭ, aŭtamabilaŭ, jakija pieravoziać dziaciej da 14 hadoŭ, dziciačych placovak, rabočych miescaŭ u pamiaškańniach, terytoryj i pamiaškańniaŭ spartyŭna-azdaraŭlenčych łahieraŭ, ustanoŭ adukacyi, padziemnych pierachodaŭ, prypynačnych punktaŭ i pasadačnych placovak.

Dla zabieśpiačeńnia paetapnaha abmiežavańnia dastupnaści tytuniovych vyrabaŭ, sistem dla spažyvańnia tytuniu, elektronnych sistem kureńnia i vadkaściej dla ich dekretam praduhledžvajecca ŭviadzieńnie zabarony na vykarystańnie na šyldach handlovych abjektaŭ słoŭ, tojesnych ci padobnych da nazvaŭ vidaŭ tytuniovych vyrabaŭ. Z 1 studzienia 2020 hoda ŭvodziacca patrabavańni da prodažu ŭ mahazinach, jakija majuć handlovuju płošču bolš za 1000 kv.m, tytuniovych vyrabaŭ, sistem dla spažyvańnia tytuniu, elektronnych sistem kureńnia i vadkaściej dla ich tolki praz tavarnyja adździeły. Z 1 studzienia 2022 hoda ŭvodzicca zabarona na vykarystańnie dla zachoŭvańnia i prodažu tytuniovych vyrabaŭ u mahazinach i paviljonach abstalavańnia, jakoje raźmiaščajecca nad kantrolna-kasavymi vuzłami.

• 0
• 0
• 0
• 0
• 0
• 0
• 0
• 0