Ab jakim-niebudź pryznańni samaabvieščanaha prezidenta Vieniesueły Chuana Huajdo nie moža iści i razmovy. Takuju zajavu zrabiŭ rasijski pasoł u Karakasie Uładzimir Zajemski ŭ intervju haziecie «Kommiersant».
Pavodle jaho słoŭ, Maskva pryznaje vyniki prezidenckich vybaraŭ, što adbylisia ŭ krainie ŭ mai 2018 hoda i na jakich pieramohu atrymaŭ Nikałas Madura. Akramia taho, toje, što Huajdo abviaściŭ siabie v.a. kiraŭnika dziaržavy, «absalutna supiarečyć litary i duchu Asnoŭnaha zakona».
Zajemski rastłumačyŭ, što, zhodna z rašeńniem Viarchoŭnaha suda, Nacyjanalnaja asambleja, śpikieram jakoj źjaŭlajecca Huajdo, nie maje statusu pravamocnaha orhana. Pasoł skazaŭ, što ŭ artykule 233 Kanstytucyi krainy 1999 hoda adsutničaje paniaćcie «ŭzurpacyja ŭłady». Mienavita na hety artykuł spasyłalisia apazicyjaniery, patrabujučy pierachodu vykanaŭčaj ułady da Nacasamblei.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary