Pra heta jon zajaviŭ siońnia paśla ŭručeńnia dypłomaŭ doktara navuk i atestataŭ prafiesara navukovym i navukova-piedahahičnym rabotnikam, piša BiełTA.
U liku ŭdzielnikaŭ mierapryjemstva było šmat pradstaŭnikoŭ miedycynskaj haliny. U pryvatnaści, ab svaich dasiahnieńniach raspaviała doktar miedycynskich navuk, dacent, staršynia pastajannaj kamisii pa achovie zdaroŭja, fizičnaj kultury, siamiejnaj i moładzievaj palitycy Pałaty pradstaŭnikoŭ Ludmiła Makaryna-Kibak.
«Vy nie tolki vučony, ale i vialiki načalnik. Što adbyvajecca ŭ Ministerstvie achovy zdaroŭja? Vy ŭ kursie spravy? Kolki pierasadžali načalnikaŭ i tak zvanych prasunutych, talenavitych arhanizataraŭ, hałoŭnych daktaroŭ ja maju na ŭvazie, artapiedaŭ i inšych», — pacikaviŭsia kiraŭnik dziaržavy.
Ludmiła Makaryna-Kibak u adkaz adkazała, što ŭ kursie hetych padziej, i vykazała ŭpeŭnienaść, što padobnaha ŭ halinie nie paŭtorycca. Pavodle jaje słoŭ, užo pierahledžany padychody da zakupki abstalavańnia, pavodzinaŭ daktaroŭ.
«Vy pierš za ŭsio kamisiju svaju paviarnicie ŭ parłamiencie mienavita na hety kirunak. Nam heta vielmi važna. Heta nie sprava, kali na śviatoj spravie ludzi nabivajuć kišeni, zakuplajučy nieviadoma jak lekavyja preparaty, pavialičvajučy na čverć abo na tracinu ich košt. I miedycynskaje abstalavańnie. Vy viedajecie, pra što idzie havorka, dy i ŭsio naša hramadstva viedaje. Daravańnia daktaram tut nie budzie. Zabudźciesia pra svaju karparatyŭnaść. Ja nie toj prezident, jaki budzie kłaniacca vam tamu, što vy daktary i zapluščvać vočy na tyja ahidnaści, jakija robiacca ŭ achovie zdaroŭja», — padkreśliŭ Alaksandr Łukašenka.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary