U Minsku na minułym tydni zatrymali hienieralnaha dyrektara chołdynhu «BiełOMA» Viačasłava Burskaha. Pra heta Tut.by raspaviali dźvie infarmavanyja krynicy.
U pryjomnaj Burskaha nie zmahli ni paćvierdzić, ni abvierhnuć infarmacyju ab zatrymańni hiendyrektara. Tam tolki skazali, što ciapier vykonvajučym abaviazki kiraŭnika chołdynhu źjaŭlajecca Alaksandr Maroz, pieršy namieśnik hiendyrektara-dyrektar pa ekanomicy i finansach i člen Savieta Respubliki.
U Minpramie, u viedamasnym padnačaleńni jakoha znachodzicca «BiełOMA», taksama nie stali kamientavać «čutki i razmovy» pra zatrymańnie Burskaha. Razam z tym tam adznačyli, što praca ŭ chołdynhu «BiełOMA» viadziecca «va ŭstanoŭlenym paradku». «Nahladalnaja rada pryniała rašeńnie ab pryznačeńni spadara Maroza vykonvajučym abaviazki hiendyrektara. U pryncypie, heta nie novaja dla jaho funkcyja. Na praciahu hoda jon užo byŭ «v.a.» u siłu chvarob, kamandzirovak spadara Burskaha», — skazali ŭ Minpramie, ale nie nazvali pryčynu ciapierašniaha kadravaha rašeńnia.
Na praciahu dvuch dzion žurnalistam Tut.by nie ŭdałosia atrymać kamientar u SK i KDB z nahody zatrymańniaŭ u «BiełOMA».
«Ja musiła hladzieć miesca dla ludziej, jakija pierachodziać miažu. Što moža pajści nie tak?» Dramatyčnaja historyja aryštu Alesi Bunievič1
Kamientary