Da «Našaj Nivy» źviartaŭsia supracoŭnik rasijskaha pijar-ahienctva, jaki chacieŭ zamović ačarnialny artykuł pra zavod «Štadler».
Jaje dasłaŭ čałaviek, jaki pradstaviŭsia Maksimam Citovym, z adpaviednym elektronnym adrasam. U liście, jaki da nas pryjšoŭ, była infarmacyja, jakaja adsutničaje ŭ publičnym dostupie.
Čytajcie taksama: Rasijskaje PR-ahienctva prapanavała «Našaj Nivie» apublikavać zamoŭny artykuł, jaki ačarniaje «Štadler»
Adnak ahienctva «Michajłaŭ i partniory», ad imia jakoha vystupaŭ Citoŭ, abviarhaje svaju datyčnaść.
Adpaviedny list jany dasłali na poštu «Našaj Nivy».
«Paviedamlajem, što našaje ahienctva nie maje dačynieńnia da sprečki, jakuju vy apisvajecie, i nie pracuje ni z adnym z bakoŭ, uciahnutym u heta. Taksama čałaviek pa imieni Maksim Citoŭ nie pracuje i nikoli nie pracavaŭ u ahienctvie «Michajłaŭ i partniory», a mietady pracy, apisanyja ŭ publikacyi, nieprymalnyja dla našaj kampanii. My zaniepakojeny tym faktam, što niechta prykryvajecca našym imieniem u rabocie z vami», — značycca ŭ adkazie kampanii.
Praŭda, patrebna litaralna paru chvilin veb-pošuku, kab vyjavić, što Maksim Citoŭ usio ž raniej pracavaŭ u ahienctvie «Michajłaŭ i partniory». Urešcie dyrektar ahienctva pryznaŭ hety fakt, ale zapeŭniŭ, što heta było daŭno. Tamu, maŭlaŭ, Citoŭ moža pracavać u inšym ahienctvie.
