BATE pahadziŭsia pradać paŭabaroncu Mirka Ivaniča ŭ «Crvienu Źviezdu». Pra heta paviedamlajuć sierbskija sajty mondo.rs i novosti.rs.
Pavodle infarmacyi krynic, chaŭbiek prybudzie ŭ Białhrad z Turcyi, dzie BATE pravodzić trenirovačny zbor, i ŭ vypadku ŭdałaha prachodžańnia miedycynskaha ahladu zaklučyć z novym kłubam dvuchhadovy kantrakt.
Finansavy bok pahadnieńnia pakul nie nazyvajuć.
Raniej u sierbskich ŚMI źjaŭlałasia infarmacyja, što «Crviena Źviezda» nakiravała BATE aficyjnuju prapanovu pa tranśfiery futbalista. Białhradski kłub byŭ hatovy zapłacić za 1,2 młn jeŭra, ale biełaruski bok prasiŭ 1,7 młn ieŭra. Miarkujecca, što baki pahadzilisia na 1,3 młn.
Ivaniču novyja bosy abiacali zarpłatu 30 000 jeŭra ŭ miesiac.
Da zakančeńnia terminu dziejańnia kantraktu Ivaniča z BATE zastajecca šeść miesiacaŭ. U «Crvienu Źviezdu» ŭžo biaspłatna pierajšoŭ eks-abaronca «žoŭta-sinich» Niemańja Miłunavič.
Tranśfiernaje akno ŭ Sierbii začynicca 8 lutaha.
Ivanič hulaŭ za BATE ad 2016 hoda.
Kamientary