Z-za siezonnaha ŭzdymu zachvorvańnia na hryp i vostryja reśpiratornyja infiekcyi ŭ Biełarusi źmianiŭsia režym pracy aptek, paviedamlaje tut.by. Mnohija apteki časova pracujuć bolš, čym raniej.
Taksama viedamstva paviedamlaje, što «pryniatyja vyčarpalnyja miery pa bieśpierabojnaj najaŭnaści ŭ aptekach supraćvirusnych lekaŭ, antybijotykaŭ, miedykamientaŭ dla lačeńnia ŭskładnieńniaŭ hrypu, a taksama srodkaŭ indyvidualnaj abarony».
Takim čynam, 17 aptek sietki «Biełfarmacyja» va ŭsich rajonach Minska pracujuć kruhłasutačna. Dzie znachodziacca hetyja apteki, možna pahladzieć tut. 96 aptek sietki ŭ stalicy pracujuć u budnija dni z 8.00 da 21.00, u vychadnyja - z 9.00 da 17.00 abo z 10.00 da 18.00. 75 aptek pracujuć u budnija dni pa režymu raboty arhanizacyj achovy zdaroŭja, na terytoryi jakich jany raźmieščany, u vychodnyja dni - pa ŭzhadnieńni z arhanizacyjami achovy zdaroŭja.
Dźvie apteki ŭ Hrodna taksama pracujuć kruhłasutačna. Infarmacyju pra ich i inšych aptekach vobłaści možna daviedacca tut. Mnohija apteki Bresckaj vobłaści pracujuć da 21.00 i paźniej. U Homielskaj vobłaści čas pracy praciahnuli ŭ 16 aptekach. Režym pracy aptek minskaj «Farmacyi», jakija adkryty zaraz bolš, u Minskaj vobłaści apublikavany tut, aptek «Farmacyi» Viciebskaj vobłaści — tut.
Infarmacyju ab lekach i režymie raboty aptek «Biełfarmacyi» možna atrymać pa biaspłatnym šmatkanalnym telefonie daviedačnaj aptek 169.
-
Donar z ankahiennaj mutacyjaj staŭ baćkam amal 200 dziaciej u Jeŭropie — niekatoryja ŭžo pamierli ad raku
-
Mužčyna niečakana vylekavaŭsia ad VIČ paśla pierasadki zvyčajnych stvałavych kletak
-
Čym kavid adroźnivajecca ad prastudy, kali biehčy da doktara, a kali možna lačycca doma — top parad ad terapieŭta na pieryjad prastud
Kamientary