Rasija nie razhladaje pytańnie ab raźmiaščeńni ŭ Biełarusi svaich rakiet u adkaz na vychad ZŠA z Damovy ab rakietach siaredniaj i mienšaj dalokaści (DRSMD). Pra heta zajaviŭ pasoł Rasii ŭ Biełarusi Michaił Babič, piša TASS
«Što tyčycca raźmiaščeńnia rakiet na terytoryi Biełarusi, to heta, viadoma, nie budzie adbyvacca, bo heta nie patrabujecca. Dziejučaja kanfihuracyja našaj sumiesnaj vajennaj hrupoŭki dazvalaje vyrašyć lubyja vajennyja zadačy, zychodziačy z tych punktaŭ dysłakacyi, dzie znachodziacca našy srodki ŭdaru ŭ adkaz, nie prasoŭvajučy ich ni na jakuju inšuju terytoryju», - skazaŭ jon.
Raniej rasiejski pasoł zajaŭlaŭ, što «biaśpieka Respubliki Biełaruś zastrachavanaja ŭzbrojenymi siłami Rasijskaj Fiederacyi i jadziernym parasonam». Babič taksama ŭkazaŭ, što na heta iduć hihanckija srodki z rasijskaha biudžetu.
Kamientary