Praŭleńnie Nacbanka pryniało rašeńnie pakinuć bieź źmieny staŭku refinansavańnia, paviedamlajecca ŭ pres-relizie Nacbanka.
Ciapierašni ŭzrovień staŭki refinansavańnia, 10%, dziejničaje z 27 červienia 2018 hoda i źjaŭlajecca paŭtoram histaryčnaha minimumu. Da hetaha ŭ historyi niezaležnaj Biełarusi staŭka refinansavańnia ŭ pamiery 10% hadavych dziejničała tolki na dvuch časavych adrezkach — z 1 śniežnia 2006 hoda da 31 studzienia 2007 hoda, dva miesiacy, i z 1 kastryčnika 2007 hoda pa 30 červienia 2008 hoda, dzieviać miesiacaŭ. Nastupnaje pasiadžeńnie Nacbanka, na jakim budzie razhladacca mahčymaść źmianieńnia staŭki refinansavańnia, zapłanavana na 3 maja, tak što rekord praciahłaści dziejańnia minimalnaj staŭki budzie pabity, dadaje Tut.by
Taksama zachoŭvajecca staŭka pa kredycie aviernajt (11,5%), staŭka pa depazicie aviernajt z 13 lutaha pavyšajecca da 8,5% hadavych.
«Zachavańniu staŭki refinansavańnia i staŭki pa kredycie aviernajt na fonie niavyznačanaści źniešnich umoŭ raźvićcia ekanomiki spryjała pieravaha faktaraŭ, jakija zabiaśpiečvajuć dasiahnieńnie metavaha paramietru pa inflacyi na 2019 h. bieź źmieny charaktaru manietarnych umoŭ», - havorycca ŭ paviedamleńni.
Kamientary