![](http://nnexpictures.fra1.digitaloceanspaces.com/img/w732d4webp1/photos/z_2018_10/shutterstock_607807514-pqwx2.jpg.webp)
Usie krainy-čalcy NATA padpisali pratakoł ab ustupleńni Respubliki Paŭnočnaja Makiedonija ŭ aljans. Pra heta abviaściŭ jaho hienieralny sakratar Jens Stołtenbierh paśla cyrymonii ŭ Bruseli, havorycca na jaho staroncy ŭ Twitter.
Pavodle jaho słoŭ, heta histaryčny dzień, a ŭstupleńnie Makiedonii ŭ šerahi arhanizacyi harantuje vialikuju biaśpieku i roskvit ŭsim rehijonie. «Čakaju taho dnia, kali kala štab-kvatery NATA buduć łunać 30 ściahoŭ», — dadaŭ hienieralny sakratar.
Paśla padpisańnia pratakoła ab dałučeńni Paŭnočnaj Makiedonii 29 krain-členaŭ NATA pavinny jaho ratyfikavać. Da hetaha kraina pačnie ŭdzielničać u pracy aljansu jak zaprošany siabar.
Ustupać u aljans kraina zmahła paśla rašeńnia kanfliktu z Hrecyjaj praz nazvu. U studzieni 2019-ha parłamienty abiedźviuch krain ratyfikavali adpaviednaje pahadnieńnie.
Kamientary