U MZS Biełarusi ličać biespadstaŭnymi i zališnie emacyjnymi niekatoryja acenki, prysutnyja ŭ sumiesnym dakładzie departamienta dziaržaŭnaj biaśpieki i departamienta vyviedki Ministerstva nacyjanalnaj abarony Litvy «Nacyjanalnaja acenka pahroz 2019», paviedamlaje BiełTA.
Čytajcie taksama:
Śpiecsłužby Litvy: Rasija razhladaje Biełaruś jak bufiernuju dziaržavu
«Hety dakumient nie zasłuhoŭvaŭ by asablivaj uvahi, kali b u im nie było hetak šmat miesca nadadziena Biełarusi. Biespadstaŭnyja, zališnie emacyjnyja acenki, zamiena dokazaŭ, zasnavanych na faktach, hučnymi frazami abraźlivaha sensu, padobna, daŭno ŭžo stali firmovym znakam asobnych litoŭskich palitykaŭ. Napiaredadni šmatlikich vybarnych kampanij, zapłanavanych u Litvie na viasnu hetaha hoda, vierahodna, kamuści vyhadna — kab dahadzić svaim vuzkakarparatyŭnym i vuzkapartyjnym intaresam — zahaniać klin u adnosiny pamiž dźviuma krainami i narodami», — skazaŭ pradstaŭnik MZS Andrej Šuplak.
Jon padkreśliŭ, što palityka Biełarusi ŭ adnosinach da Litvy — dobrazyčlivaja i całkam samastojnaja.
«Zaklikajem palitykaŭ u Litvie strymać vajaŭničy zapał i uziać na ŭzbrajeńnie bolš miralubivy ton. Naš rehijon maje patrebu ŭ miry i zhodzie, a nie raspalvańni nianaviści», — reziumavaŭ pradstaŭnik biełaruskaha źniešniepalityčnaha viedamstva.
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant24
Kamientary