U Lelčycach złavili ryś, jakaja tydzień teraryzavała haradski pasiołak, i adpravili ŭ zaapark
Paviedamleńnie pra toje, što ŭ dvary adnaho z pryvatnych damoŭ pa vulicy Pakryškina razhulvaje ryś, pastupiła ŭ AUS Lelčyckaha rajvykankama 5 lutaha.
![](http://nashaniva.com/img/w732d4webp1/photos/z_2019_02/lynx-3334869_960_720-zf8ba.jpg.webp)
Fota: Pixabay.
Za apošni tydzień miascovyja žychary niekalki razoŭ bačyli lasnoha źviera ŭ pryvatnym siektary niedaloka ad centralnych vulic haradskoha pasiołka, źviartalisia ŭ milicyju z nahody źniknieńnia svojskaj ptuški.
Supracoŭniki znajšli ryś na chlavie kala chaty. Žyvioła nie była ahresiŭnaj, adnak złavić jaje atrymałasia tolki ahulnymi namahańniami supracoŭnikaŭ milicyi, ratavalnikaŭ i pracaŭnikoŭ kamunalnaj haspadarki.
Siońnia ryś dastavili ŭ Akciabrski zaapark.
Kamientary