Rasijskaje kiraŭnictva pačynaje sumniavacca ŭ žyćciazdolnaści režymu Nikałasa Madury, jakoha Maskva aficyjna padtrymała paśla pačatku palityčnaha kryzisu ŭ krainie. Pra heta sa spasyłkaj na dźvie blizkija da Kramla krynicy paviedamlaje Bloomberg.
![](http://nnexpictures.fra1.digitaloceanspaces.com/img/w732d4webp1/photos/z_2019_02/fb224658-y4yu9.png.webp)
Pavodle infarmacyi ahienctva, u Maskvie raście razumieńnie taho, što katastrafičny stan vieniesuelskaj ekanomiki pastupova pazbaŭlaje Maduru padtrymki siarod suhramadzian. Akramia hetaha, jon moža stracić vajskovy resurs, pakolki armija, pa słovach surazmoŭcaŭ vydańnia, nie hatovaja ŭžyvać siłu suprać udzielnikaŭ akcyj pratestu.
Taksama paviedamlajecca, što rasijskija ŭłady ŭśviedamlajuć, što ŭ ich zastajecca mała ryčahoŭ upłyvu na situacyju ŭ Vieniesuele: ekanamičny kryzis tam nastolki mocny, što finansavaj mahčymaści vypravić jaho ŭ Maskvy ŭžo niama, a vajskovaja padtrymka niemahčymaja praz terytaryjalnuju addalenaść Vieniesueły ad Rasii.
Kamientary