Na volu vyjšaŭ Ihar Karycki — były supracoŭnik bresckaha KDB i adzin z asudžanych pa «spravie siamnaccaci». Dva hady tamu sud pryznačyŭ jamu 8 hadoŭ u kałonii ŭzmocnienaha režymu. Ale ŭ studzieni jaho pabačyli na voli, u rodnym horadzie Breście. Jość danyja pra toje, što na voli znachodzicca jašče adzin fihurant spravy, piša Tut.by.
![](http://nashaniva.com/img/w732d4webp1/photos/z_2019_02/sud_narkotorgovlya_20160229_tutby_bas_phsl_dsc0201-wbuq0.jpg.webp)
«Ja šakavany, jak takija vialikija spravy chutka vyrašajucca», — razvažaje bieraściejec Alaksandr. Udzień 21 studzienia jon sustreŭ u haradskim CUMie svajho daŭniaha znajomaha, taho samaha Ihara Karyckaha.
Nahadajem, u červieni 2017 hoda Viarchoŭny sud pastaviŭ kropku ŭ hučnaj kryminalnaj spravie pra abarot psichatropnych rečyvaŭ. Siarod 17 fihurantaŭ byli supracoŭniki KDB Karycki (Bresckaje ŭpraŭleńnie) i Vieracienski (Centralny aparat), a taksama supracoŭnik adnaho z upraŭleńniaŭ HUBAZiK MUS pa Minsku Dzienisievič. Pieršapačatkova ŭsie troje atrymali terminy ad 14 da 15 hadoŭ. Ale paźniej prysud abskardzili ŭ Viarchoŭnym sudzie, z abvinavačańnia vyklučyli šerah epizodaŭ pra narkotyki i terminy skaracili da 8-9 hadoŭ.
Tak, były supracoŭnik upraŭleńnia KDB pa Bresckaj vobłaści Ihar Karycki atrymaŭ 8 hadoŭ u kałonii ŭzmocnienaha režymu z pazbaŭleńniem zvańnia majora.
Viadoma, što mužčyna byŭ pad vartaj ź listapada 2014, a heta ŭličvajecca ŭ ahulny termin. Vynikaje, jon adsiedzieŭ kala čatyroch hadoŭ.
Adznačym, što byłyja siłaviki abvinavačvalisia pa artykułach 424 i 455 Kryminalnaha kodeksa: «Złoŭžyvańnie słužbovymi paŭnamoctvami», a taksama «Pieravyšeńnie ŭłady abo biaździejnaść».
Zakonam praduhledžana niekalki padstaŭ dla vyzvaleńnia ad adbyvańnia pakarańnia: admiena prysudu, UDV (ale pa hetych artykułach treba adbyć dźvie traciny terminu), amnistyja abo pamiłavańnie, ciažkaja chvaroba abo zamiena nieadbytaj častki pakarańnia na bolš miakkaje pakarańnie.
Tut.by z kampietentnaj krynicy stała viadoma: mienavita zamiena nieadbytaj častki pakarańnia bolš miakkim i stała pryčynaj vychadu Karyckaha na volu.
Akramia taho, pa słovach surazmoŭcy, takoje ž rašeńnie prymałasia i pa jašče adnamu supracoŭniku KDB z hetaj spravy — Dźmitryju Vieracienskamu. Raniej sud pryznačyŭ jamu 9 hadoŭ u kałonii.
Kamientary